ପ୍ରସ୍ତୁତ ଭବାନୀପୁର: ଦିଦି କଲେ ପ୍ରାର୍ଥୀପତ୍ର ଦାଖଲ, ବିପକ୍ଷରେ ବିଜେପି ପ୍ରାର୍ଥୀ ପ୍ରିୟଙ୍କା

1 min read

କୋଲକାତା: ଭବାନୀପୁରରେ ସମ୍ମାନ ଲଢ଼େଇ ଲଢ଼ିବେ ଦିଦି । ଭବାନୀପୁର ଉପନିର୍ବାଚନରେ ଟିଏମସି ପକ୍ଷରୁ ଆଜି ପ୍ରାର୍ଥୀପତ୍ର ଦାଖଲ କରିଛନ୍ତି ମମତା ବାନାର୍ଜୀ । ମୁଖ୍ୟମନ୍ତ୍ରୀ ପଦରେ ରହିବାକୁ ହେଲେ ମମତାଙ୍କୁ ଏହି ନିର୍ବାଚନ ଜିତିବାକୁ ପଡ଼ିବ । ପଶ୍ଚିମବଙ୍ଗର ୩ଟି ଆସନରେ ଉପନିର୍ବାଚନ ପାଇଁ ସେପ୍ଟେମ୍ବର ୪ ତାରିଖରେ ନିର୍ବାଚନ କମିଶନ ତାରିଖ ଘୋଷଣା କରିଥିଲେ । ଭବାନୀପୁର ସମେତ ସାମ୍‌ ଶେରଗଞ୍ଜ ଓ ଜାଙ୍ଗିପୁରରେ ଉପନିର୍ବାଚନ ହେବ ।

ସେପ୍ଟେମ୍ବର ୧୩ ପ୍ରାର୍ଥିପତ୍ର ଦାଖଲ ଶେଷ ତାରିଖ ରହିଛି । ସେପ୍ଟେମ୍ବର ୩୦ରେ ଭୋଟ ଗ୍ରହଣ ଓ ଅକ୍ଟୋବର ୩ରେ ଗଣତି କରାଯିବ । ସେପଟେ ମମତା ବାନାର୍ଜୀଙ୍କୁ ମଇଦାନରେ ଟକ୍କର ଦେବାକୁ ବିଜେପି ପ୍ରାର୍ଥୀ ଘୋଷଣା କରିଛି । ପଶ୍ଚିମବଙ୍ଗ ଯୁବ ବିଜେପିର ଉପ ସଭାପତି ତଥା ଆଇନଜୀବୀ ପ୍ରିୟଙ୍କା ତିବ୍ରେଓ୍ବାଲଙ୍କୁ ଦଳ ପ୍ରାର୍ଥୀ କରିଛି । ଗତ ନିର୍ବାଚନରେ ପ୍ରିୟଙ୍କା ଏଣ୍ଟାଲି ଆସନରୁ ଲଢି ତୃଣମୂଳ କଂଗ୍ରେସ ପ୍ରାର୍ଥୀ ସ୍ବର୍ଣ୍ଣ କମଳ ଶାହଙ୍କଠାରୁ ୫୮ହଜାରରୁ ଅଧିକ ଭୋଟରେ ପରାଜିତ ହୋଇଥିଲେ

Opn Commnet Area

Leave a Reply

Your email address will not be published. Required fields are marked *

Close Bitnami banner