ମମତାଙ୍କ ଦାବି, ପ୍ରଧାନମନ୍ତ୍ରୀ ଆଜି ଉଦଘାଟନ କରିଥିବା ହସ୍ପିଟାଲର ଉଦଘାଟନ ପୂର୍ବରୁ କରି ସାରିଛି
କୋଲକାତା: ଶୁକ୍ରବାର ପିଏମ୍ ମୋଦି ଭିଡିଓ କନଫରେନ୍ସିଂ ମାଧ୍ୟମରେ ଚିତ୍ତରଞ୍ଜନ ରାଷ୍ଟ୍ରୀୟ କ୍ୟାନସର ସଂସ୍ଥାର ଦ୍ୱିତୀୟ କ୍ୟାମ୍ପସର ଉଦଘାଟନ କରିଛନ୍ତି । ଏହି କାର୍ଯ୍ୟକ୍ରମରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଉପସ୍ଥିତ ଥିଲେ । ତେବେ କାର୍ଯ୍ୟକ୍ରମ ବେଳେ ମମତାଙ୍କ ଅସନ୍ତୋଷ ପୁଣି ବାରି ହୋଇ ପଡ଼ିଛି । ମମତା ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଯେଉଁ ହସ୍ପିଟାଲର ଉଦଘାଟନ କରିଛନ୍ତି । ସେହି କ୍ୟାମ୍ପସକୁ ସେ ପୂର୍ବରୁ ଉଦଘାଟନ କରି ସାରିଛନ୍ତି ।
ମଞ୍ଚ ପରିଚାଳନା କରୁଥିବା ଆଙ୍କରୁ ମମତା କହିଛନ୍ତି, ତୁମେ ମୋ ଟାଇଟଲ ଭୁଲି ଯାଇଛ କିମ୍ବା ଡରି ଯାଇଛି । ଏହି କାର୍ଯ୍ୟକ୍ରମରେ ସାମିଲ୍ ହେବା ପାଇଁ ସ୍ୱାସ୍ଥ୍ୟମନ୍ତ୍ରୀଙ୍କୁ ଦୁଇ ଥର ଫୋନ୍ କରିଛି । କୋଲକାତାର ଏହି କାର୍ଯ୍ୟକ୍ରମ ହୋଇଥିବା ବେଳେ ଏଥିରେ ପ୍ରଧାନମନ୍ତ୍ରୀଙ୍କ ଆଗ୍ରହ ଅଛି, ତେଣୁ ମୁଁ ସାମିଲ୍ ହେଲି । କିନ୍ତୁ ପ୍ରଧାନମନ୍ତ୍ରୀ ଜଣାଇ ଦେବାକୁ ଚାହୁଁଛି ଏହାର ଉଦଘାଟନ୍ ଆମେ ଆଗରୁ କରି କରୋନା କେନ୍ଦ୍ର କରିଛୁ । ଏହା ବେଶ୍ ସହାୟକ ହୋଇଛି ।
ମମତା ଆହୁରି କହିଛନ୍ତି, କ୍ୟାନସର ହସ୍ପିଟାଲ ଲାଗି ଆମେ ୨୫ ପ୍ରତିଶତ ଅର୍ଥ ଦେଇଛୁ । ହସ୍ପିଟାଲ ପାଇଁ ରାଜ୍ୟ ସରକାର ୧୧ ଏକର ଜମି ଦେଇଛନ୍ତି । ଏଥିପାଇଁ ଯେତେବେଳେ ଜନତାଙ୍କ କଥା ଆସୁଛି ତ କେନ୍ଦ୍ର ଓ ରାଜ୍ୟ ସରକାର ମିଶିକରି କାମ କରିବା ଉଚିତ୍ ।
