ନନ୍ଦିଘୋଷ ବ୍ୟୁରୋ : ପଶ୍ଚିମବଂଗରେ ଓଡ଼ିଆ ମେଡିକାଲ ଛାତ୍ରୀଙ୍କ ଗଣଦୁଷ୍କର୍ମ ନେଇ ପ୍ରତିକ୍ରିୟା ରଖିଛନ୍ତି ପଶ୍ଚିମବଂଗ ମୁଖ୍ୟମନ୍ତ୍ରୀ ମମତା ବାନାର୍ଜୀ। ଏହା ଏକ ଦୁଃଖଦ ଘଟଣା ବୋଲି କହିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ। ଏକ ଘରୋଇ ମେଡିକାଲ କଲେଜ ପରିସରରେ ଘଟିଥିବାରୁ ଏହାର ସମସ୍ତ ସୁରକ୍ଷା ଦାୟିତ୍ଵ କଲେଜ କର୍ତ୍ତୃପକ୍ଷଙ୍କର। ପୋଲିସ ପକ୍ଷରୁ ତନାଘନା ଚଳାଇଛି। କାହାରିକୁ ଛଡାଯିବ ନାହିଁ। ଘଟଣାରେ କଠୋରରୁ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ।…ମମତା ଆହୁରି କହିଛନ୍ତି ଯେ, ଓଡ଼ିଶାର ବେଳାଭୂମିରେ ଯୁବତୀଙ୍କ ସହ ଦୁଷ୍କର୍ମ ହୋଇଥିଲା। ଓଡ଼ିଶା ସରକାର କଣ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ମେଡିକାଲ କଲେଜ ଛାତ୍ରୀ ଦୁଷ୍କର୍ମ ଘଟଣାକୁ ଗୁରୁତର ସହ ନେଇଛନ୍ତି ପଶ୍ଚିମବଂଗ ସରକାର। ଛାତ୍ରୀ ଜଣଙ୍କ ଏକ ଘରୋଇ ମେଡିିକାଲ କଲେଜରେ ପଢୁଥିଲେ। କଲେଜରେ ଛାତ୍ରୀଙ୍କ ସୁରକ୍ଷା ଦାୟିତ୍ଵ ସେହି କଲେଜ କର୍ତ୍ତୃପକ୍ଷଙ୍କର। ରାତି ସାଢ଼େ ୧୨ଟା ପରେ ଛାତ୍ରୀ ଜଣଙ୍କ ହଷ୍ଟେଲରୁ ବାହାରକୁ ଆସିଥିଲେ। ରାତିରେ ଛାତ୍ରୀ ଜଣଙ୍କୁ ବାହାରକୁ ଆସିବାକୁ ଅନୁମତି ଦେବା ଉଚିତ ନୁହଁ । ଘରାଇ ମେଡିକାଲ କଲେଜ ଛାତ୍ରୀଙ୍କ ସୁରକ୍ଷା ଦାୟିତ୍ଵ ନେବା ଉଚିତ।
