AICC ସଭାପତି ଭାବେ ବିଜୟୀ ହେଲେ ମଲ୍ଲିକାର୍ଜୁନ ଖଡଗେ

ନୂଆଦିଲ୍ଲୀ: AICC ସଭାପତି ଭାବେ ବିଜୟୀ ହେଲେ ମଲ୍ଲିକାର୍ଜୁନ ଖଡଗେ । ଖଡଗେଙ୍କୁ ୮ହଜାର ଅଧିକ ଭୋଟ ମିଳିଥିବା ବେଳେ ଶଶୀ ଥରୁରଙ୍କୁ ମାତ୍ର ୧ହଜାର ୬୦ ଭୋଟ ମିଳିଥିବା ସୂଚନା ମିଳିଛି । ଦିଲ୍ଲୀ କଂଗ୍ରେସ ମୁଖ୍ୟାଳୟରେ ପ୍ରକାଶ ପାଇଛି ଫଳାଫଳ । ଉଭୟ ପ୍ରାର୍ଥୀ ମଲ୍ଲିକାର୍ଜ୍ଜୁନ ଖଡଗେ ଏବଂ ଶଶି ଥରୁରଙ୍କ କାଉଣ୍ଟିଂ ଏଜେଣ୍ଟ ଓ ନିର୍ବାଚନ ଅଧିକାରୀ ମଧୁସୂଦନ ମିସ୍ତ୍ରୀଙ୍କ ଉପସ୍ଥିତିରେ ଭୋଟ ଗଣତି ହୋଇଥିଲା ।

ବିଭିନ୍ନ ରାଜ୍ୟରୁ ଆସିଥିବା ବାଲାଟ ବକ୍ସକୁ ଏକାଠି କରାଯିବା ପରେ ଗଣତି ଆରମ୍ଭ ହୋଇଥିଲା । ସେପଟେ ଭୋଟିଂରେ ଅନିୟମିତା ହୋଇଥିବା ଶଶୀ ଥରୁରଙ୍କ କାଉଣ୍ଟିଂ ଏଜେଣ୍ଟ ଅଭିଯୋଗ କରିଛନ୍ତି।

୨୦୧୪, ୨୦୧୯ ନିର୍ବାଚନରେ ଦଳର ଶୋଚନୀୟ ପରାଜୟ ଓ ସଂଗଠନ ଦୁର୍ବଳ ଆଦି ଅନେକ ସମସ୍ୟାରେ ଘେରି ରହିଛି କଂଗ୍ରେସ । ଦଳୀୟ ନେତୃତ୍ବ ଦୃଢ଼ ନଥିବା ଦର୍ଶାଇ ବହୁ ବଡ଼ ବଡ଼ ନେତା ମଧ୍ୟ ଦଳ ଛାଡ଼ିଛନ୍ତି । ତେବ ନୂଆ ସଭାପତି ଦାୟିତ୍ୱ ନେବା ପରେ କଂଗ୍ରେସକୁ ନୂଆ ଦିଶା ମିଳିବ ବୋଲି କୁହାଯାଉଛି ।