ରାଜ୍ୟସଭା ବିରୋଧୀ ଦଳ ନେତା ପୂର୍ବରୁ ଇସ୍ତଫା ଦେଲେ ଖଡଗେ
ନୂଆଦିଲ୍ଲୀ: ରାଜ୍ୟସଭାରେ ବିରୋଧୀ ଦଳ ନେତା ପଦରୁ ଇସ୍ତଫା ଦେଲେ ମଲ୍ଲିକାର୍ଜୁନ ଖଡଗେ । ଏଆଇସିସି ସଭାପତି ପଦ ଲାଗି ପ୍ରାର୍ଥିପତ୍ର ଦାଖଲ କରିବା ପରେ ସେ ବିରୋଧୀ ନେତା ପଦରୁ ଦେଇଛନ୍ତି ଇସ୍ତଫା । ଉଦୟପୁରରେ ଗୃହୀତ ପ୍ରସ୍ତାବ ଅନୁସାରେ ଜଣେ ନେତା ଏକ ପଦବୀ ନୀତିରେ ଖଡଗେ ଏହି ନିଷ୍ପତ୍ତି ନେଇଛନ୍ତି ।
ନିଜର ଇସ୍ତଫା ପତ୍ରକୁ ସେ ଅନ୍ତରୀଣ ସଭାନେତ୍ରୀ ସୋନିଆ ଗାନ୍ଧିଙ୍କ ନିକଟକୁ ପଠାଇଛନ୍ତି । ଖଡଗେଙ୍କ ସ୍ଥାନରେ ପି. ଚିଦାମ୍ବରମ କିମ୍ବା ଦିଗବିଜୟ ସିଂଙ୍କୁ ନିଯୁକ୍ତି ସମ୍ଭାବନା ରହିଛି । ଗତ ଶୁକ୍ରବାର ମଲ୍ଲିକାର୍ଜୁନ, ଶଶୀ ଥରୁର ଓ କେଶରୀନାଥ ତ୍ରିପାଠୀ ଏଆଇସିସି ସଭାପତି ପଦ ଲାଗି ପ୍ରାର୍ଥିପତ୍ର ଦାଖଲ କରିଥିଲେ ।
