ଗୁରୁତର ରୋଗୀଙ୍କ ଜୀବନ ବଂଚାଇଲେ ସିଆରପିଏଫ ଯବାନ

ମାଲକାନଗିରି : ଗୁରୁତର ବାତ ରୋଗୀଙ୍କ ଜୀବନ ବଂଚାଇଲେ ସିଆରପିଏଫ ଯବାନ । ଟ୍ରାକ୍ଟର ଯୋଗେ ରୋଗୀଙ୍କୁ ଡାକ୍ତରଖାନାରେ ପହଁଚାଇଲେ । ଏଭଳି ଖବର ଆସିଛି ପଡ଼ୋଶୀ ଛତିଶଗଡର ବିଜାପୁର ଜିଲ୍ଲାରୁ । ପଟେଲପାରା ଗାଁର ୪୮ ବର୍ଷୀୟ କବାସୀ ଆଡମା ବାତ ରୋଗରେ ପିଡିତ ଥିଲେ । ହଠାତ ଆଜି ତାଙ୍କୁ ବାତ ମାରିବା ପରେ ସମ୍ପୁର୍ଣ୍ଣ ଅସୁସ୍ଥ ହୋଇ ପଡିଥିଲେ । ରକ୍ତଚାପ ସାଙ୍ଗକୁ ସୁଗାର ଲେବୁଲ ମଧ୍ୟ ଖସି ଯାଇଥିଲା । ରୋଗୀଟି ଜୀବନ ମରଣ ସହ ସଂଗ୍ରାମ କରୁଥିବା ଖବର ପାଇ ନିକଟସ୍ଥ କୋରାଗୁଟ୍ଟା ସ୍ଥିତ ୧୫୧ ବାଟାଲିୟନର ଯବାନ ଓ ଡାକ୍ତରୀ ଦଳ ଗାଁରେ ପହଁଚିଥିଲେ । ତୁରନ୍ତ କବାସୀ ଆଡମାଙ୍କୁ ପ୍ରାଥମିକ ଚିକିତ୍ସା ଦିଆଯାଇଥିଲା । ଯବାନମାନେ ଆଡମାଙ୍କୁ ଖଟରେ ବୋହି ନେଇ ଟ୍ରାକ୍ଟର ଯୋଗେ ପାମେଡ୍ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି ।