ଠକେଇ ଅଭିଯୋଗରେ ନନ୍ଦୀ ବୃଷଭ ସମେତ ବନ୍ଧା ହେଲେ ୪ ଠକ
1 min read
ମାଲକାନଗିରି: ଠକେଇ ଅଭିଯୋଗରେ ନନ୍ଦୀ ବୃଷଭ ଗିରଫ । ନନ୍ଦୀ ବୃଷଭ ସମେତ ୪ଜଣ ଠକଙ୍କୁ ଗିରଫ କରିଛି ମାଲକାନଗିରି ପୋଲିସ । ଅଭିଯୁକ୍ତମାନଙ୍କୁ ମହାରାଷ୍ଟ୍ରର ଗଡ଼ଚିରୋଲିରରୁ ଗିରଫ କରାଯାଇଛି । ଅଭିଯୁକ୍ତମାନେ ମାଲକାନଗିରି ସହରର ମାହେଶ୍ୱରୀ କଲୋନୀର ଭୂମିକା ଜୈନଙ୍କଠାରୁ ଠକେଇ କରିଥିବା ଅଭିଯୋଗ ହୋଇଥିଲା । ନନ୍ଦୀ ବୃଷଭ ମାଧ୍ୟମରେ ପରିବାର ସମ୍ପର୍କରେ ଭଲମନ୍ଦ କହି ପ୍ରଥମେ ବିଶ୍ୱାସ ଜନ୍ମାଇଥିଲେ ଅଭିଯୁକ୍ତ । ପରେ ଘରେ ପ୍ରେତାତ୍ମା ରହୁଥିବା କହି ପୂଜାର୍ଚ୍ଚନା କରିବା କଥା କହିଥିଲେ । ପୂଜା ପାଇଁ ଦାବି କରିଥିଲେ ୫୦ ହଜାର ଟଙ୍କା । ସେମାନଙ୍କ କଥାକୁ ବିଶ୍ୱାସ କରି ଭୂମିକା ଜୈନ ସେମାନଙ୍କୁ ୪୮ ହଜାର ଟଙ୍କା ଦେଇଥିଲେ । ଗୋଟିଏ ପ୍ୟାକେଟ ଧରାଇ ଫେରାର ମାରିଥିଲେ ଅଭିଯୁକ୍ତ । ମାଲକାନଗିରି ପୋଲିସ ମହାରାଷ୍ଟ୍ରର ଗଡ଼ଚିରୋଲିରୁ ନନ୍ଦୀ ବୃଷଭ ସମେତ ୪ଜଣଙ୍କୁ ଗିରଫ କରିଛି ।
