ଜିଲ୍ଲାପାଳଙ୍କ ପିଏ ମୃତ୍ୟୁକୁ ନେଇ ଜିଲ୍ଲାପାଳଙ୍କ ଅଫିସ କାନ୍ଥରେ ଏଣୁତେଣୁ ଲେଖିଲେ
ମାଲକାନାଗିରି: ନୂଆବର୍ଷ ପାଇଁ ସବୁଠି ଆନନ୍ଦ ଉଲ୍ଲାସ । ସମସ୍ତେ ପରସ୍ପରକୁ ଶୁଭ କାମନା ଜଣାଉଛନ୍ତି । ଅଫିସ୍ରେ ମଧ୍ୟ ଉଚ୍ଚ ପଦାଧିକାରୀଙ୍କୁ କର୍ମଚାରୀମାନେ ସାକ୍ଷାତ କରି ଜଣାଉଛନ୍ତି ନୂଆବର୍ଷ ଶୁଭେଚ୍ଛା । କିନ୍ତୁ ମାଲକାନଗିରିରେ ଦେଖିବାକୁ ମିଳିଛି ଓଲଟା ଘଟଣା ।
ଜିଲ୍ଲାପାଳଙ୍କ ଅଫିସ୍ ପାଚେରିରେ ଜିଲ୍ଲାପାଳଙ୍କୁ ବିରୋଧ କରି ଏଣୁତେଣୁ ଲେଖାଯାଇଛି । ଗତ ୨୮ ତାରିଖରେ ମାଲକାନଗିରି ଜିଲ୍ଲାପାଳଙ୍କ ପିଏ ଦେବନାରାୟଣ ପଣ୍ଡାଙ୍କ ମୃତଦେହ ସତୀଗୁଡ଼ା ଡ୍ୟାମ୍ରୁ ଉଦ୍ଧାର କରାଯାଇଥିଲା । ଏହି ଘଟଣା ପାଇଁ ମାଲକାନଗିରି ଜିଲ୍ଲାପାଳଙ୍କୁ ଦାୟୀ କରି ଏଣୁତେଣୁ ଲେଖାଯାଇଥିବା ଦେଖିବାକୁ ମିଳିଛି । କିଏ ଏମିତି ଲେଖିଛି, ତାହା ଜଣାପଡ଼ିନାହିଁ । ଏହି ଲେଖାକୁ ଲିଭା ଯାଉଛି ।
