ଆର୍ଥିକ ଅନାଟନ ପାଇଁ ଆତ୍ମହତ୍ୟା କଲେ ଅଭିନେତ୍ରୀ, ମୃତ୍ୟୁ ପୂର୍ବରୁ ପୋଷ୍ଟ କରିଥିଲେ ଏଭଳି ଭିଡିଓ

ମୁମ୍ବାଇ: ପୁଣି ସାମନାକୁ ଆସିଲା ଆଉ ଏକ ଦୁଃଖ ଖବର । ଆତ୍ମହତ୍ୟା କଲେ ଟିଭି ଅଭିନେତ୍ରୀ । ଲୋକପ୍ରିୟ ମାଲାୟଲମ ଫିଲ୍ମ ଏବଂ ଟିଭି ସିରିଏଲ ଅଭିନେତ୍ରୀ ରେଞ୍ଜୁଶା ମେନନ ଆତ୍ମହତ୍ୟା କରିଥିବା ସୂଚନା ମିଳିଛି । ମୃତ୍ୟୁ ବେଳକୁ ତାଙ୍କୁ ୩୫ ବର୍ଷ ବୟସ ହୋଇଥିଲା । ସେ ତିରୁବନ୍ତପୁରମ ଶ୍ରୀକରିଆମରେ ଏକ ଆପାର୍ଟପେଣ୍ଟରେ ସ୍ବାମୀଙ୍କ ସହ ରହୁଥିଲେ । ସୋମବାର ରୁମର କବାଟ ଖୋଲିବାରେ ବିଳମ୍ବ ହେବାରୁ ପରିବାର ଲୋକେ ସନ୍ଦେହ କରିଥିଲେ । ପରେ ପୋଲିସକୁ ଖବର ଦେଇଥିବାବେଳେ ତାଙ୍କ ଝଲନ୍ତା ମୃତଦେହ ଉଦ୍ଧାର କରାଯାଇଥିଲା । ପୋଲିସ ମୃତଦେହକୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ତେବେ ଅଭିନେତ୍ରୀଙ୍କ ପରିବାର ଆର୍ଥିକ ଅନଟନ ମଧ୍ୟରେ ଗତି କରୁଥିବାରୁ ସେ ଆତ୍ମହତ୍ୟା କରିଥାଇପାରିଥାନ୍ତି ବୋଲି ଚର୍ଚ୍ଚା ହେଉଛି ।

ଆତ୍ମହତ୍ୟା କରିବାର କିଛି ସମୟ ପୂର୍ବରୁ ରେଞ୍ଜୁଶା ସୋସିଆଲ ମିଡିଆ ସାଇଟ୍ ଇନଷ୍ଟାଗ୍ରାମରେ ଏକ ଭିଡିଓ ପୋଷ୍ଟ କରିଥିଲେ । କିନ୍ତୁ ଏହି ଦୁଃଖ କବର ଶୁଣିବା ପରେ ପ୍ରଂଶସକମାନେ ଭିଡିଓରେ ବିଭିନ୍ନ କମେଣ୍ଟମାନ ଦେଉଛନ୍ତି ।  ଭଗବାନ ଆତ୍ମାର ସଦଗତି କରନ୍ତୁ ବୋଲି କେହି କେହି କମେଣ୍ଟ କରୁଥିବାବେଳେ ଆଉ କେହି କେହି କାହିଁକି ଆତ୍ମହତ୍ୟା କଲ ବୋଲି ପ୍ରଶ୍ନ କରିଛନ୍ତି । ତେବେ ଅଭିନେତ୍ରୀ ରେଞ୍ଜଶାଙ୍କ ଘର କୋଚିରେ ହୋଇଥିବାବେଳେ ସେ ଏକ ଟିଭି ଚ୍ୟାନେଲରେ ଆଙ୍କର ଭାବେ ନିଜର କ୍ୟାରିୟର ଆରମ୍ଭ କରିଥିଲେ । ଏହାପରେ ଟିଭି ସୋରେ ମଧ୍ୟ କାମ କରିଥିଲେ । ପରେ ମାଲାୟଲମ ଫିଲ୍ମରେ ଅଭିନୟ କରିବାର ସୁଯୋଗ ପାଇଥିଲେ । ଦର୍ଶକେ ତାଙ୍କୁ ବେଶ ପସନ୍ଦ ମଧ୍ୟ କରୁଥିବା ଦେଖିବାକୁ ମିଳୁଥିଲା ।