ରାଜପରିବାରକୁ କହିଲେ ଗୁଡବାଏ: କଲେଜ ବୟଫ୍ରେଣ୍ଡଙ୍କୁ ବିବାହ କଲେ ଜାପାନ ରାଜକୁମାରୀ

ଟୋକିଓ: ପ୍ରେମ ପାଇଁ ରାଜକୀୟ ପଦ ଓ ମର୍ଯ୍ୟଦା ହରାଇଲେ ଜାପାନ ରାଜକୁମାରୀ ମାକୋ  । ସେ କେଇ କେମୁରୋ ନାମକ ନିଜ ବୟଫ୍ରେଣ୍ଡଙ୍କ ସହିତ ବିବାହ କରିଛନ୍ତି । ଏହି ବିବାହ ପରେ ଆଉ ଜାପାନ ରାଜକୁମାରୀ ହୋଇରହିନାହାନ୍ତି ମାକୋ । ସାଧାରଣ ବ୍ୟକ୍ତି ସହିତ ବିବାହ କରିବା ପରେ ରାଜ ପରିବାର ସହ ତାଙ୍କ ସମ୍ପର୍କ  ଛିନ୍ନ ହୋଇଛି । ମାକେ ଏହା ମଧ୍ୟ କହିଛନ୍ତି ଯେ, ତାଙ୍କର ଏହି ବିବାହ ଦ୍ୱାରା ଯଦି କାହାର କିଛି କ୍ଷତି ହୁଏ ତେବେ ସେ,ଏଥିପାଇଁ ଦୁଃଖିତ ।

ଇମ୍ପରିଆଲ୍ ହାଉସହୋଲ୍ହ ଏଜେନ୍ସି ମୁତାବିକ, ମାକୋ ଏବଂ କେମୁରୋଙ୍କ ବାହାଘର ଦସ୍ତାବେଜ ମହଲର ଏକ ଅଧିକାରୀ ପ୍ରସ୍ତୁତ କରିଛନ୍ତି । ମାକୋ ଏହି ମାସ ଆରମ୍ଭରେ ମାନସିକ ଚାପ ଦେଇ ଗତିକରୁଥିଲେ । ତାଙ୍କ ବାହାଘରକୁ ନେଇ ବିଭିନ୍ନ ନକରାତ୍ମକ କଥା ଏବଂ କେମୁରୋଙ୍କୁ ଟାର୍ଗେଟ କରାଯିବାକୁ ନେଇ ବହୁତ ଚାପଗ୍ରସ୍ତ ହୋଇପଡ଼ିଥିଲେ । ତେବେ ସେ ଏବେ ଠିକ ଅଛନ୍ତି ।

ମାକୋ ରାଜ ପରିବାର ଠାରୁ କୌଣସି ପ୍ରକାରର ଟଙ୍କା ନେବା ପାଇଁ ମଧ୍ୟ ମନା କରିଦେଇଛନ୍ତି । ଦ୍ୱିତୀୟ ବିଶ୍ୱଯୁଦ୍ଧ ପରେ ରାଜପରିବାର ସେ ପ୍ରଥମ ସଦସ୍ୟ, ଯିଏ ,ଜଣେ ସାଧାରଣ ନାଗାରିକଙ୍କୁ ବାହା ହେବେ ସମୟରେ କୌଣସି ଉପହାର ନେଇନାହାନ୍ତି । ଏହି ବାହାଘର ପରେ କୌଣସି ପ୍ରକାର ଭୋଜି ମଧ୍ୟ ଆୟୋଜନ କରାଯିବ ନାହିଁ ।

ଜାପାନର ପୂର୍ବ ସମ୍ରାଟ ଅକିହିତୋଙ୍କ ନାତୁଣୀ ହେଉଛନ୍ତି ୨୯ ବର୍ଷୀୟ ମାକୋ । ସେ ୨୦୧୭ ମସିହାରେ ନିଜ ବନ୍ଧୁ କେମୁରୋ ସହ ନିର୍ବନ୍ଧ କରିଥିଲେ । କେମୁରୋ ଏକ ସାଧାରଣ ପରିବାର ହୋଇଥିବା ବେଳେ ଆମେରିକାର ଏକ ଆଇନ କମ୍ପାନୀରେ କାମ କରନ୍ତି । କେମୁରୋ ୨୦୧୩ ମସିହାରେ ମାକୋଙ୍କୁ ପ୍ରପୋଜ କରିଥିଲେ । କିନ୍ତୁ କେମୁରୋଙ୍କ ପରିବାରରେ ଦେଖାଦେଇଥିବା ବିବାଦ ଯୋଗୁଁ ୪ ବର୍ଷ ହେଲା ଏହି ବବାହ ଅଟକି ଥିଲା । ତେବେ ବହୁ ଦିନ ପରେ ହେଲେ ମଧ୍ୟ ଉଭୟଙ୍କ ବାହାଘର ସମ୍ପନ୍ନ ହୋଇଛି ।