ଆଜି ମେକ ଇନ ଓଡ଼ିଶା କନକ୍ଲେଭର ତୃତୀୟ ଦିନ

ଭୁବନେଶ୍ୱର: ଆଜି ମେକ ଇନ ଓଡ଼ିଶା କନକ୍ଲେଭର ତୃତୀୟ ଦିନ । ସ୍କିଲ୍ଡ ଇନ ଓଡ଼ିଶା ଉପରେ ଏକ ବଡ଼ କାର୍ଯ୍ୟକ୍ରମ ଅନୁଷ୍ଠିତ ହେବ। ଏଥିରେ ପ୍ରମୁଖ ବକ୍ତାମାନେ ଯୋଗଦେବେ । ଏହା ସହିତ କେମିକାଲ୍ସ, ପେଟ୍ରୋ କେମିକାଲ୍ସ, ପ୍ଲାଷ୍ଟିକ, ଏକ୍ସପର୍ଟ ପ୍ରମୋସନ, ଟେକ୍ସଷ୍ଟାଇଲ ଆଣ୍ଡ ଆପେରାଲ, ଆଗ୍ରୀ ବିଜନେସ ଆଣ୍ଡ ମାର୍କେଟିଂ ଆଦି କ୍ଷେତ୍ରରେ ଆଲୋଚନା ଚକ୍ର ଅନୁଷ୍ଠିତ ହେବ।

ସେହିପରି ଅପରାହ୍ମରେ ଫୁଡ ପ୍ରୋସେସିଂ, ଆଇଟି, ହାଣ୍ଡଲୁମ୍, ରିନ୍ୟୁଏବୁଲ ଏନର୍ଜି, ମେଟାଲ ଡାଉନଷ୍ଟ୍ରିମ ଆଦି କ୍ଷେତ୍ରରେ ଆଲୋଚନା କରାଯିବ। ମୋଟ ୧୦ଟି ସେକ୍ଟରାଲ ସେସନ ଅନୁଷ୍ଠିତ ହେବାକୁ ଥିବାବେଳେ ଦୁଇଟି ପ୍ଲିନେରି ସେସନ ଅନୁଷ୍ଠିତ ହେବ । ଗତକାଲି ନିବେଶ ମହାକୁମ୍ଭରେ ପ୍ରମୁଖ ଶିଳ୍ପପତିମାନେ ଯୋଗଦେଇ ୭ଲକ୍ଷ ୨୬ହଜାର କୋଟି ଟଙ୍କାର ନିବେଶ ପ୍ରସ୍ତାବ ଦେଇଛନ୍ତି । ଏଥିରେ ରାଜ୍ୟରେ ୩ଲକ୍ଷ ୨୦ହଜାର ନିଯୁକ୍ତି ସୁଯୋଗ ସୃଷ୍ଟି ହେବ । ମୋଟ ଅର୍ଥର ଏକ ବଡ଼ ଭାଗ ଖଣି ଓ ଇସ୍ପାତ କ୍ଷେତ୍ରରେ ନିବେଶ ହେବ । ଏହା ସହିତ ଫାର୍ମାସିଟିକାଲ, ପର୍ଯ୍ୟଟନ, ହସ୍ତଶିଳ୍ପ, ଅକ୍ଷୟ ଶକ୍ତି କ୍ଷେତ୍ରରେ ନିବେଶ ପ୍ରସ୍ତାବ ଆସିଛି ।