ଲୋକାରଣ୍ୟ ପରିବେଶ । ଶୀତୁଆ ସନ୍ଧ୍ୟାରେ ମତୁଆଲା କଲା ମକର ମହୋତ୍ସବ । ରଙ୍ଗାରଙ୍ଗ କାର୍ଯ୍ୟକ୍ରମରେ ଝୁମିଲେ ଦର୍ଶକ । ଖୋର୍ଦ୍ଧା ବାଘମାରି ଅଟ୍ରି ଉଷ୍ଣ ପ୍ରସବଣ ପରିସରରେ ପ୍ରତିବର୍ଷ ପରି ଚଳିତ ଥର ଚାଲିଥିଲା ମକର ମହୋତ୍ସବ । ମକର ସଂକ୍ରାନ୍ତି ଠାରୁ ୫ ଦିନ ଧରି ଚାଲିଥିବା ମହୋତ୍ସବଟି ଗତକାଲି ଶେଷ ହୋଇଛି । ଉଦଯାପନୀ ସନ୍ଧ୍ୟାରେ ବେଗୁନିଆ ବିଧାୟକ ପ୍ରଦୀପ କୁମାର ସାହୁଙ୍କ ପୌରାହିତ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ନୟାଗଡ଼ ବିଧାୟକ, ଭାପୁର ବ୍ଲକ ଉପାଧ୍ୟକ୍ଷଙ୍କ ସମେତ ଅନ୍ୟାନ୍ୟ ଅତିଥି ଯୋଗ ଦେଇଥିଲେ ।
ମକର ମହୋତ୍ସବର ଉଦଯାପନୀ ସନ୍ଧ୍ୟାରେ ବହୁ ପ୍ରତିଭାବନ ବ୍ୟକ୍ତି ବିଶେଷ ଓ କଳାକାରଙ୍କୁ ଅତିଥି ମାନେ ସମ୍ବର୍ଦ୍ଧିତ କରିଥିଲେ । ଏହି ଅବସରରେ ଏକ ସ୍ମରଣିକା ମଧ୍ୟ ଉନ୍ମୋଚନ କରାଯାଇଛି । ୫ ଦିନ ଧରି ଚାଲିଥିବା ମକର ମହୋତ୍ସବ ଦର୍ଶକଙ୍କ ଠାରୁ ଆରମ୍ଭ କରି କଳାକାର, ରାଜନେତା, ସମାଜସେବୀ ସମସ୍ତଙ୍କୁ ଢେର୍ ଆନନ୍ଦ ଦେଉଥିଲା ।
