କ୍ୱାରେଣ୍ଟାଇନ ସେଣ୍ଟର ବାହାରେ ପ୍ରବାସୀଙ୍କ ମୃତ୍ୟୁ, ପାଚେରୀ ଡ଼େଇଁ ପଳାଉଥିବା ସନ୍ଦେହ
କଟକ: କଟକ ଜିଲ୍ଲା ବଡ଼ମ୍ବା ଥାନା କୃଷ୍ଣଚନ୍ଦ୍ରପୁର ଗାଁରେ ଥିବା ଟିଏମସି ସେଣ୍ଟରରେ ଜଣେ ପ୍ରାଣ ହରାଇଛନ୍ତି । ମୃତକ ୪୨ ବର୍ଷୀୟ ବ୍ରଜବନ୍ଧୁ ରଣା । ସକାଳୁ ସକାଳୁ ପଚେରି ପାଖରେ ମୃତ ଦେହ ପଡ଼ିଥିବାର ଦେଖି ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ, ପ୍ରବାସୀ ଜଣଙ୍କ ନାମ ହେଉଛି ବ୍ରଜବନ୍ଧୁ ରଣା । ଗଲା ୨୬ ତାରିଖରେ ମୁମ୍ବାଇରୁ ଆସି କୃଷ୍ଣଚନ୍ଦ୍ରପୁର ଟିଏମସିରେ ରହୁଥିଲେ । ତେବେ ଗତ ରାତିରେ ପାଚେରୀ ଡ଼େଇଁ ଖସି ପଳାଇଥିଲେ ବୋଲି ସାଙ୍କର ବନ୍ଦୁ ମାନେ କହିଥିଲେ ।
ଆଜି ସକାଳୁ ସ୍କୁଲ ପାଚେରୀ ବାହାରେ ତାଙ୍କ ମର ଶରୀର ପଡ଼ିଥିବା ଦେଖିବାକୁ ମିଳିଛି । ପାଚେରୀ ଡେଇଁ ଚାଲିଯାଉଥିଲେ ବୋଲି ସନ୍ଦେହ କରାଯାଉଛି । ପୋଲିସ ପହଞ୍ଚି ଘଟଣା ସ୍ଥଳରେ ଛାନଭିନ୍ ଚଳାଇଛି । ପୋଷ୍ଟମର୍ଟମ ପରେ ମୃତ୍ୟୁର ପ୍ରକୃତ କାରଣ ସ୍ପଷ୍ଟ ହେବ।
