ଟାଟା ଓ ହୁଣ୍ଡାଇକୁ ଟକ୍କର ଦେବାକୁ ଆସୁଛି ମହିନ୍ଦ୍ରା ଇଲେକ୍ଟ୍ରି କାର୍

ନୂଆଦିଲ୍ଲୀ: ଟାଟା ନେକ୍ସନ ଓ ହୁଣ୍ଡାଇ କୋନକୁ ଟକ୍କର ଦେବ ମହିନ୍ଦ୍ରାର ଇଲେକ୍ଟ୍ରି କାର୍ । ଆନନ୍ଦ ମହିନ୍ଦ୍ରାଙ୍କ କମ୍ପାନୀ ମହିନ୍ଦ୍ରା ଆଣ୍ଡ ମହିନ୍ଦ୍ରା ଶୀଘ୍ର ନିଜ ନୂଆ ଇଲେକ୍ଟ୍ରି କାର୍ ଭାରତୀୟ ବଜାରରେ ଲଞ୍ଚ ହେବାକୁ ଯାଉଛି । ଏହାର କିଛି ସ୍ପାଇ ଫଟୋ ଦେଖିବାକୁ ମିଳିଛି । ଭାରତୀୟ ବଜାରରେ Tata Nexon EV ସହ MG ZS EV ଓ Hyundai Kona EVକୁ ଟକ୍କର ଦେବ ଏହି କାର୍ ।

ନାଁ ହୋଇପାରେ XUV400

ଗତ ଅଟୋ ଏକ୍ସପୋରେ ମହିନ୍ଦ୍ରା କନସେପ୍ଟ ଇଲେକ୍ଟ୍ରି କାର୍ eXUV300sକୁ ଶୋକେସ୍ କରିଥିଲା । ଅନୁମାନ କରାଯାଉଛି କମ୍ପାନୀ ଏହାକୁ XUV400 ନାଁରେ ଲଞ୍ଚ କରିପାରେ । ଏହା ସମ୍ପୂର୍ଣ୍ଣ ଇଲେକ୍ଟ୍ରି କାର । ନିକଟରେ ଏହାର ରୋଡ ଟେଷ୍ଠିଂ ବେଳେ ଫଟୋ ସିଟ୍ କରାଯାଇଛି । କମ୍ପାନୀର ଏହି ଇଲେକ୍ଟ୍ରି କାର XUV300 ବେସରେ ହୋଇପାରେ ।

ଶୀଘ୍ର ହେବ XUV400 ଲଞ୍ଚ

କମ୍ପାନୀ ପକ୍ଷରୁ ଏହି ଗାଡିକୁ ୨୦୨୧-୨୨ରେ ଲଞ୍ଚ କରାଯିବାର ଥିଲା । ହେଲେ ସେମିକଣ୍ଡକ୍ଟ ସମସ୍ୟାରୁ ଏହା ଲଞ୍ଚ ହେବାରେ ବିଳମ୍ବ ହେଉଛି । ଭାରତୀୟ ବଜାରରେ ୨୦୨୩-୨୪ରେ ଏହାକୁ ଲଞ୍ଚ କରାଯାଇପାରେ ।

ଆଗକୁ ରହିବ ଚାର୍ଜିଂ ସକେଟ୍

କାରର ଫଟୋରୁ ଜଣାପଡୁଛି ଏହାର ଚାର୍ଜିଂ ସକେଟ ଆଗକୁ ରହିବ । eXUV300 concept କାରରେ କମ୍ପାନୀ 350V ଓ 380Vର ବ୍ୟାଟେରୀ ଅପସନ ରହିଛି । ଆଶା କରାଯାଉଛି ଏହି କାରରେ LG ଦ୍ବାରା ବିଶେଷ କରି ଭାରତ ପାଇଁ ନିର୍ମିତ ବ୍ୟାଟେରୀ ବ୍ୟବହାର କରାଯାଇପାରେ ।

ସୂଚନାଯୋଗ୍ୟ, ଭାରତରେ ପ୍ରଥମ ଇଲେକ୍ଟ୍ରି କାର ମହିନ୍ଦ୍ରା ଆଣିଥିଲା । ହେଲେ ଏହା ଭାରତୀୟ ବଜାରରେ ସେତେଟା କମାଲ ଦେଖାଇ ପାରିନଥିଲା । ଏବେ ଏହି କ୍ଷେତ୍ରରେ ଟାଟା ମୋଟର୍ସର ଦବଦବା ରହିଛି ।