ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇବାକୁ ପହଞ୍ଚିଲେ ମହିମା ସାଧୁ
1 min read
ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଲେ ଯୋରନ୍ଦାବାସୀ । ନବୀନ ନିବାସରେ ମୁଖ୍ୟମନ୍ତ୍ରୀଙ୍କୁ ଭେଟି ଧନ୍ୟବାଦ ଜଣାଇଲେ । ମହିମା ପୀଠର ବିକାଶ ପାଇଁ ଅର୍ଥ ମଞ୍ଜୁର କରିଛନ୍ତି ମୁଖ୍ୟମନ୍ତ୍ରୀ । ଏଥିପାଇଁ ମହିମା ଗାଦିର ସାଧୁମାନଙ୍କ ସହ ସ୍ଥାନୀୟ ବାସିନ୍ଦାଙ୍କ ଖୁସି ପ୍ରକାଶ କରିଛନ୍ତି ।
ମହିମା ଗାଦିର ନବକଳେବର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିକଟରେ ୧୧୨ କୋଟି ଟଙ୍କା ମଞ୍ଜୁର କରିଛନ୍ତି । ପୂର୍ବରୁ 5T ସଚିବ ଭି.କେ ପାଣ୍ଡିଆନ ମହିମା ଗାଦି ପରିଦର୍ଶନ କରିଥିଲେ । 5T ସଚିବଙ୍କ ପରାମର୍ଶକ୍ରମେ ଢେଙ୍କାନାଳ ଜିଲ୍ଲାପାଳ ପ୍ରକଳ୍ପ ପ୍ରସ୍ତାବ ପଠାଇଥିଲେ । ଏହାପରେ ମହିମା ଗାଦିର ନକଳେବର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୧୧୨ କୋଟି ଟଙ୍କା ମଞ୍ଜୁର କରିଛନ୍ତି । ଖୁବଶୀଘ୍ର କାମ ଆରମ୍ଭ ହୋଇ ଆସନ୍ତା ବର୍ଷ ମାଘ ପୂର୍ଣ୍ଣିମା ପୂର୍ବରୁ ଶେଷ ହେବ ।
