ମାଘ ପୂର୍ଣ୍ଣିମା ପୂର୍ବରୁ ବଦଳିବ ମହିମା ଗାଦିର ରୂପ
1 min read
ଢେଙ୍କାନାଳ : ଢେଙ୍କାନାଳ ଜିଲ୍ଲା ଯୋରନ୍ଦା ପୀଠର ଉନ୍ନତି ପାଇଁ ଖୁବଶୀଘ୍ର କାମ ଆରମ୍ଭ ହେବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିପାଇଁ ୧୧୨ କୋଟି ଟଙ୍କା ମଞ୍ଜୁର କରିବା ପରେ ଢେଙ୍କାନାଳ ଜିଲ୍ଲାପାଳ କହିଛନ୍ତି, ଆସନ୍ତାବର୍ଷ ମାଘ ପୂର୍ଣ୍ଣିମା ଯୋରନ୍ଦାମେଳା ପୂର୍ବରୁ ପୀଠର ଚିତ୍ର ବଦଳିବ । ଏଥିପାଇଁ ପୂରା ଗାଦିର ନୂତନ ନକ୍ସା ପ୍ରସ୍ତୁତ ହୋଇଛି ।
ଗତ ମେ ୨୯ ତାରିଖରେ 5T ସଚିବ ଭି.କେ ପାଣ୍ଡିଆନ ମହିମା ପୀଠ ପରିଦର୍ଶନ କରିଥିଲେ । ପୀଠର ଉନ୍ନତି ପାଇଁ ସାଧୁସନ୍ଥ ଓ ଭକ୍ତମାନଙ୍କ ଆଲୋଚନା କରିବା ସହ ୧୫ ଦିନ ଭିତରେ ପ୍ରକଳ୍ପ ରିପୋର୍ଟ ଦେବା ପାଇଁ ପରାମର୍ଶ ଦେଇଥିଲେ । 5T ସଚିବ ଭି.କେ ପାଣ୍ଡିଆନଙ୍କ ପରାମର୍ଶ ଅନୁସାରେ ଢେଙ୍କାନାଳ ଜିଲ୍ଲାପାଳ ପଠାଇଥିବା ୧୧୨ କୋଟି ଟଙ୍କାର ପ୍ରକଳ୍ପ ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନୁମୋଦନ କରିଛନ୍ତି । ଏବେ ଏହି ପୀଠର ସର୍ବାଙ୍ଗୀନ ବିକାଶ ହେବ ବୋଲି ଜିଲ୍ଲାପାଳ କହିଛନ୍ତି ।
