ମହାରାଷ୍ଟ୍ର: ପ୍ରତ୍ୟେକ ମୃତ ଶରୀରର ହେବ କରୋନା ଟେଷ୍ଟ

ମୁମ୍ବାଇ: ମହାରାଷ୍ଟ୍ରର ସରକାରୀ ହସ୍ପିଟାଲରେ ଏବେ ପ୍ରତ୍ୟେକଟି ମୃତ ଶରୀରର କରୋନା ଟେଷ୍ଟ କରାଯିବ । ତେବେ ବ୍ୟକ୍ତି ଜଣଙ୍କର ମୃତ୍ୟୁ କରୋନାରେ ହୋଇଛି ନା ଅନ୍ୟ କୌଣସି କାରଣରୁ ହୋଇଛି ତାହା ଜାଣିବା ପାଇଁ ଏହି ଟେଷ୍ଟ କରାଯିବ । ଯଦି ରିପୋର୍ଟ ନେଗେଟିଭ ଥାଏ ତେବେ ମୃତ ଶରୀରରକୁ ଖୁବଶୀଘ୍ର ପରିବାର ସଦସ୍ୟକୁ ହସ୍ତାନ୍ତର କରିଦିଆଯିବ । ସୂଚନାଯୋଗ୍ୟ କରୋନା ରୋଗୀଙ୍କ ମୃତ ଶରୀରର ଅନ୍ତିମସଂସ୍କାର ସରକାରୀ ଏବଂ କରୋନା ଗାଇଡଲାଇନ୍ସ ଅନୁସାରେ କରାଯାଏ ଏବଂ ଏଥିରେ ଖୁବ ବିଳମ୍ବ ହୁଏ । ଗଣମାଧ୍ୟମର ଖବର ଅନୁସାରେ ମହାରାଷ୍ଟ୍ର ସରକାର ଏହି ନୂଆ ଗାଇଡଲାଇନ ଜାରି କରିଛନ୍ତି ।

ସୂଚନାଯୋଗ୍ୟ ମହାରାଷ୍ଟ୍ରରେ କରୋନା ସ୍ଥିତି ଖୁବ ଗମ୍ଭୀର । ସରକାରୀ ହସ୍ପିଟାଲ ଗୁଡ଼ିକର ଶବ ଗୃହ ମଧ୍ୟ ଭର୍ତ୍ତି ହୋଇଯାଉଛି । ତେବେ ଉକ୍ତ ସ୍ଥିତିକୁ ନଜରରେ ରଖି ମହାରାଷ୍ଟ୍ର ସରକାର ଏହି ନିଷ୍ପତ୍ତି ନେଇଛନ୍ତି । ବଢୁଥିବା କରୋନା ସଂକ୍ରମଣକୁ ନଜରରେ ରଖି ମୃତ ଶରୀରର ଆଣ୍ଟିଜେନ ଟେଷ୍ଟ ହେବ । ଏହି ରିପୋର୍ଟ ପ୍ରାୟ ୧ ଘଣ୍ଟା ମଧ୍ୟରେ ଆସୁଥିବାରୁ ହସ୍ପିଟାଲ କର୍ତ୍ତୃପକ୍ଷଙ୍କ ପାଇଁ ଏହା ଖୁବ ସହଜ ହେବ ।