ଧିରେ ଧିରେ ଆରମ୍ଭ ହେଲାଣି ଲକ୍ଡାଉନ୍ ଆଉ ନାଇଟ୍ କର୍ଫ୍ୟୁ
ପୁଣି ଦେଶରେ କାୟା ମେଲାଉଛି କରୋନା । ଦେଶରେ ଦିନକୁ ଦିନ ବଢିବାରେ ଲାଗିଛି ମହାମାରୀ କରୋନା ସଂକ୍ରମଣ । ହେଲେ ମହାରାଷ୍ଟ୍ରରେ ସ୍ଥିତି ହେଉଛି ସଙ୍ଗିନ୍ । ଗତ ୨୪ ଘଣ୍ଟାରେ ୨୩ ହଜାର ୧୭୯ ଜଣ କରୋନା ସଂକ୍ରମିତ ଚହ୍ନଟ ହୋଇଛନ୍ତି । ସେହିଭଳି ୮୪ ଜଣଙ୍କ ମୃତ୍ୟୁ ହୋଇଥିବା ମଧ୍ୟ ଜଣାପଡ଼ିଛି ।
କେବଳ ମହାରାଷ୍ଟ୍ର ନୁହେଁ ଗୁଜରାଟ, ପଞ୍ଜାବ, ମଧ୍ୟପ୍ରଦେଶ ଓ ଦିଲ୍ଲୀରେ ମଧ୍ୟ ସ୍ଥିତି ଚିନ୍ତାଜନକ ରହିଛି । କରୋନା ସଂକ୍ରମଣ ବଢୁଥିବା ନେଇ ସବୁ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବର୍ତ୍ତମାନ ସମୟରେ ସତର୍କ ନରହିଲେ ସବୁ ପରିଶ୍ରମ ବୃଥା ହୋଇଯିବ କହିଛନ୍ତି ମୋଦି । ଆବଶ୍ୟକ ପଡିଲେ ମାଇକ୍ରୋ କଣ୍ଟେନମେଣ୍ଟ ଜୋନ ଘୋଷଣା କରିବାକୁ ପରାମର୍ଶ ଦେଇଛନ୍ତି । ସବୁ ରାଜ୍ୟକୁ ଆରଟିପିସିଆର ଟେଷ୍ଟିଂ ସଂଖ୍ୟା ବଢ଼ାଇବାକୁ ନିର୍ଦ୍ଦେଶ ।
ସେପଟେ ଗୁଜରାଟର ୪ ସହରରେ ଲାଗୁ ହୋଇଛି ନାଇଟ୍ କର୍ଫ୍ୟୁ । ଅହମ୍ମଦାବାଦ, ବଡୋଦ୍ରା, ସୁରତ ଓ ରାଜକୋଟ୍ରେ ନାଇଟ୍ କର୍ଫ୍ୟୁ ଲଗାଇଛନ୍ତି ସରକାର । ମାର୍ଚ୍ଚ ୩୧ ପର୍ଯ୍ୟନ୍ତ କଟକଣା ବଳବତ୍ତର ରହିବ । ରାତି ୧୦ଟାରୁ ସକାଳ ୬ଟା ପର୍ଯ୍ୟନ୍ତ ଲାଗୁ ହୋଇଛି ନାଇଟକର୍ଫ୍ୟୁ । ମଧ୍ୟ ପ୍ରଦେଶର ଭୋପାଳ ଓ ଇନ୍ଦୋରରେ ମଧ୍ୟ ଲାଗୁ ହୋଇଛି ନାଇଟ୍ କର୍ଫ୍ୟୁ । ସେହିଭଳି ମହାରାଷ୍ଟ୍ରର ବିଭିନ୍ନ ସ୍ଥାନରେ ଲକଡାଉନ୍ ଜାରି ହୋଇଥିବା ବେଳେ ପଞ୍ଜାବ ଓ ଦିଲ୍ଲୀରେ ସଂକ୍ରମଣ ବଢିବାରେ ଲାଗିଛି । ଲୋକେ କରୋନା କଟକଣା ମାନୁ ନଥିବାରୁ କେତେକ ସହରରେ ଲକ୍ଡାଉନ୍ ଜାରି କରିଛନ୍ତି ମହାରାଷ୍ଟ୍ର ସରକାର । ରାଜଧାନୀ ଦିଲ୍ଲୀରେ ବି ସଂକ୍ରମଣ ଉପରମୁହାଁ ରହିଛି । ପଞ୍ଜାବରେ ଦଶମ ଓ ଦ୍ୱାଦଶ ଶ୍ରେଣୀ ପରୀକ୍ଷା ବାତିଲ କରିଛନ୍ତି ସରକାର ।
