ମହାରାଷ୍ଟ୍ର ଗନ୍ଦିଆରେ ଟ୍ରେନ୍ ଦୁର୍ଘଟଣା, ୫୦ ଆହତ

ମୁମ୍ବାଇ: ମହାରାଷ୍ଟ୍ର ଗନ୍ଦିଆରେ ଟ୍ରେନ ଦୁର୍ଘଟଣା । ଏକ ମାଲବାହୀ ଟ୍ରେନ ସହ ଯାତ୍ରୀବାହୀ ଟ୍ରେନର ଧକ୍କା ପରେ ଆହତ ହୋଇଛନ୍ତି ୫୦ରୁ ଅଧିକ ଯାତ୍ରୀ । ସିଗନାଲରେ ତ୍ରୁଟି ଯୋଗୁ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି । ଯାତ୍ରୀବାହୀ ଟ୍ରେନଟି ରାୟପୁରରୁ ନାଗପୁର ଯାଉଥିବାବେଳେ ଏହି ଦୁର୍ଘଟଣା ଘଟିଥିଲା । ଟ୍ରେନର ଏସ-୩ କୋଚଟି ଦୁର୍ଘଟଣାରେ ନଷ୍ଟ ହୋଇଥିଲା । ଆହତ ଯାତ୍ରୀଙ୍କ ଚିକିତ୍ସା ହୋଇଛି । ଦୁଇଟି ଯାକ ଟ୍ରେନ ଗୋଟିଏ ଦିଗକୁ ଯାଉଥିବାବେଳେ ଏହି ଦୁର୍ଘଟଣା ଘଟିଥିଲା । ପ୍ରାୟ ୩ ଘଣ୍ଟା ପରେ ଟ୍ରେନ ଲାଇନ ସଜଡ଼ା ଯିବା ପରେ ଟ୍ରେନ ଚଳାଚଳ ସ୍ୱାଭାବିକ ହୋଇଥିଲା ।