ବିଧାନ ପରିଷଦ ପାଇଁ ନାମାଙ୍କନ ପତ୍ର ଦାଖଲ କଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ

ମୁମ୍ବାଇ: ମହାରାଷ୍ଟ୍ର ବିଧାନ ପରିଷଦ ନିର୍ବାଚନ ପାଇଁ ନାମାଙ୍କନ ପତ୍ର ଦାଖଲ କଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ । ଆଜି ନିର୍ବାଚନ କମିଶନଙ୍କ ନିକଟରେ ନାମାଙ୍କନ ପତ୍ର  ଭରିଛନ୍ତି ଉଦ୍ଧବ । ଏହି ସମୟରେ ତାଙ୍କ ସହ ଥିଲେ ପତ୍ନୀ ରଶ୍ମି ଠାକରେ ଓ ପୁଅ ଆଦିତ୍ୟ ଠାକରେ । ଏଥିସହ ଉପ-ମୁଖ୍ୟମନ୍ତ୍ରୀ ଅଜିତ ପାୱାର ଓ  ମହାବିକାଶ ଆଘାଡିର ବରିଷ୍ଠ ନେତାଏ ମଧ୍ୟ ଉପସ୍ଥିତ ଥିଲେ ।

 ଆସନ୍ତା ୨୧ ତାରିଖରେ ରାଜ୍ୟର ୯ଟି ଆସନ ପାଇଁ ହେବ ବିଧାନ ପରିଷଦ ନିର୍ବାଚନ । ଏ ନେଇ ଆଜି ପ୍ରାର୍ଥିପତ୍ର ଦାଖଲ କରିଛନ୍ତି ଉଦ୍ଧବ ଠାକରେ । ସଂଖ୍ୟା ଦୃଷ୍ଟିରୁ ବିଜେପି ଖାତାକୁ ୫ଟି ଆସନ ଯିବା ନେଇ ଆକଳନ କରାଯାଉଛି, ସେହିଭଳି ମହାବିକାଶ ଆଘାଡି ଖାତାକୁ ୪ଟି ଆସନ ଯିବ ବୋଲି ଚର୍ଚ୍ଚା ହେଉଛି ।