ଆଜି ମହାରାଷ୍ଟ୍ର କ୍ୟାବିନେଟର ହୋଇପାରେ ସମ୍ପ୍ରସାରଣ, ତାଲିକା ଧରି ଦିଲ୍ଲୀ ଯାଇଥିଲେ ଫଡନଭିସ

ମୁମ୍ବାଇ: ଆଜି ମହାରାଷ୍ଟ୍ର କ୍ୟାବିନେଟର ହୋଇପାରେ ସମ୍ପ୍ରସାରଣ । ସମ୍ଭାବ୍ୟ ତାଲିକା ଧରି ଦିଲ୍ଲୀ ଯାଇଥିଲେ ଉପ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନଭିସ୍ । ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ସ୍ୱାସ୍ଥ୍ୟାବସ୍ଥା ଖରାପ ଥିବାରୁ ଫଡନଭିସ ତାଲିକା ଧରି ଦିଲ୍ଲୀ ଯାଇଥିଲେ । ସେପଟେ ସୁପ୍ରିମକୋର୍ଟରେ ଶିବସେନା ମାମଲାର ଶୁଣାଣି ହୋଇଛି । ପୂର୍ବତନ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ସୁପ୍ରିମକୋର୍ଟରୁ ଆଶ୍ୱସ୍ତି ମିଳିଛି । ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଆବେଦନ ଉପରେ କୌଣସି ନିଷ୍ପତ୍ତି ନ ନେବା ଲାଗି ନିର୍ବାଚନ କମିଶନଙ୍କୁ କହିଛନ୍ତି ସୁପ୍ରିମକୋର୍ଟ ।

କୋର୍ଟଙ୍କ ଏହି ନିଷ୍ପତ୍ତି ଉଦ୍ଧବଙ୍କ ଲାଗି ଆଶ୍ୱସ୍ତି ଆଣିଛି । ମାମଲାର ପରବର୍ତ୍ତୀ ଶୁଣାଣି ଆସନ୍ତା ସୋମବାର ହୋଇପାରେ । ଶୁଣାଣି ବେଳେ ଟିମ୍ ସିନ୍ଦେଙ୍କୁ ସିଜେଆଇ ପଚାରିଥିଲେ ଯେ, ନିର୍ବାଚିତ ହୋଇଯିବା ପରେ ଯଦି ରାଜନୈତିକ ଦଳଗୁଡ଼ିକୁ ଆପଣମାନେ ସମ୍ପୂର୍ଣ୍ଣ ଭାବେ ଅଗ୍ରାହ୍ୟ କରିବେ ତେବେ ଏହା ଗଣତନ୍ତ୍ର ପ୍ରତି ଏକ ବିପଦ ନୁହେଁ କି? ଶିବସେନାରୁ ବିଜୟ ଲାଭ କରି ମଧ୍ୟ ଦଳରେ ବିଦ୍ରୋହ କରି ମୁଖ୍ୟମନ୍ତ୍ରୀ ହୋଇଛନ୍ତି ସିନ୍ଦେ । ଏପରିକି ଦଳର ମୂଳ ସଙ୍କେତ ଧନୁ ତୀର ବି ତାଙ୍କ ଗୋଷ୍ଠୀକୁ ଦେବା ଲାଗି ଆବେଦନ କରିଛନ୍ତି ପିଟିସନ ।