ନନ୍ଦିଘୋଷ ବ୍ୟୁରୋ: ସ୍ଵାମୀର ଜୁଇ ନଲିଭୁଣୁ ସ୍ତ୍ରୀର ମୃତ୍ୟୁ। ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ମାହାଙ୍ଗା ବ୍ଲକ ଅଡ଼ମ ଗାଁରେ। କଟକରେ ରହୁଥିବା ଜାରକା ମହାବିଦ୍ୟାଳୟର ଅଧ୍ୟାପକ ତଥା ଅଡମ ଗାଁର ପ୍ରଶାନ୍ତ ବିଶ୍ଵାଳଙ୍କ ଆଜି କଟକ ବଡ଼ମେଡିକାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା । ଏହି ଖବର ଜାଣିବା ପରେ ତାଙ୍କ ସ୍ତ୍ରୀ ଝରଣା ଅସୁସ୍ଥ ହୋଇପଡ଼ିଥିଲେ। ତାଙ୍କୁ ତୁରନ୍ତ ଚିକିତ୍ସା ପାଇଁ ଏକ ଘାରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏପଟରେ ସ୍ଵାମୀଙ୍କ ମୃତ୍ୟୁହେହକୁ କଟକରୁ ନିଜ ଗାଁକୁ ଅଣାଯାଇ ଗାଁ ମଶାଣିରେ ଶେଷ କୃତ୍ୟ କରାଯାଉଥିବା ସମୟର ସ୍ତ୍ରୀଙ୍କ ମୃତ୍ୟୁ ଖବର ପହଞ୍ଚିଥିଲା । ଏନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି। ସ୍ଵାମୀଙ୍କ ଜୁଇ ଲିଭିନଥିବା ବେଳେ ସ୍ତ୍ରୀଙ୍କ ଘଟିଛି ପରଲୋକ।
