ଲୋକଙ୍କ ଖାମଖିଆଲି ଗୁଣରୁ ପ୍ରଦୂଷିତ ହେଉଛି ଚିରସ୍ରୋତା ମହାନଦୀ

କଟକ ; ଜହର ପାଲଟୁଛି ଓଡ଼ିଶାର ଲାଇଫଲାଇନ୍ । ପ୍ରଦୂଷିତ ହେଉଛି ଚିରସ୍ରୋତା ମହାନଦୀ । ଆବର୍ଜନା ଘେରରେ ଶ୍ବାସରୁଦ୍ଧ ହେଉଛି ମଧୂର ସ୍ରୋତ । ଟିକିଏ ନଜର ପକାନ୍ତୁ । ଯେଉଁଆଡେ ଆଖି ବୁଲାଇଲେ, ଖାଲି କୁଢକୁଢ ଅଳିଆ ଓ ଆବର୍ଜନା । ଲାଗୁଛି ନଦୀ ଗର୍ଭକୁ ସତେଯେମିତି ଡମ୍ପିଂୟାର୍ଡ ଭାବି ନେଇଛନ୍ତି ଲୋକେ । କିଏ ଆବର୍ଜନା ପାଣି ଛାଡ଼ୁଛି ତ କିଏ ଅଳିଆ ଗଦାଇ ଚାଲି ଯାଉଛି । ଏପରିକି ନିଶା ବୋତଲ ମଧ୍ୟ ଭାସୁଛି । ଯେଉଁ ନଦୀ ଓଡ଼ିଶାବାସୀଙ୍କ ଜୀବନ ଧାରଣର ଉତ୍ସ, ଆଜି ଲୋକଙ୍କ ଖାମଖିଆଲି ନୀତିରୁ ପ୍ରଦୂଷିତ ହେବାରେ ଲାଗିଛି । ଯାହାକୁ ନେଇ ଉଦବେଗ ପ୍ରକାଶ କରିଛନ୍ତି ବୁଦ୍ଧିଜୀବୀ ଓ ପରିବେଶବିତ । ନଦୀରେ ୮୦ ପ୍ରତିଶତ ପ୍ଲାଷ୍ଟିକ ପଡୁଥିବାରୁ ଏହା ଜୀବ ଜଗତ ଓ ଚାଷ ଉପରେ ସିଧା ପ୍ରଭାବ ପକାଇବା ଆଶଂକା ସୃଷ୍ଟି ହୋଇଛି । ତେଣୁ ପ୍ରଶାସନ ତୁରନ୍ତ ଦୃଷ୍ଟି ଦେବାକୁ ଦାବି ହୋଇଛି ।

ମହାନଦୀର ସୁରକ୍ଷା ଓ ବିକାଶ ଦାୟିତ୍ୱ ଜଳ ସମ୍ପଦ ବିଭାଗ ହାତରେ । ଜିଲ୍ଲା ପ୍ରଶାସନ ଏହାର ତଦାରଖ କରିବା କଥା । କିନ୍ତୁ କେହି ଏଥିପ୍ରତି ଧ୍ୟାନ ଦେଉଥିବା ଅଭିଯୋଗ ହୋଇଛି । ପ୍ରତିଦିନ ତୁଠରେ ଓ ନଦୀ କୁଳରେ ମଳମା ପଡୁଛି । କିନ୍ତୁ ଏହା ଉପରେ ରୋକ ନଲଗାଇ ଜଳ ସମ୍ପଦ ବିଭାଗ ଏହା ଦେଖିବା ଓ ପଦକ୍ଷେପ ନେବା ଦରକାର ବୋଲି କହିଛନ୍ତି ମେୟର ।