ମହାନଦୀ ଟ୍ରିବ୍ୟୁନାଲରେ ୨୦ତମ ଶୁଣାଣି
1 min read
ନୂଆଦିଲ୍ଲୀ:ବାହାରୁନି ଓଡ଼ିଶା-ଛତିଶଗଡ଼ ଜଳ ବିବାଦର ସମାଧାନ । ଟ୍ରିବ୍ୟୁନାଲକୁ ୩ବର୍ଷ ପୁରୁଥିଲେ ମଧ୍ୟ ଆଲୋଚନା ସଫଳ ହୋଇପାରିନାହିଁ । ଆଜି ଟ୍ରିବ୍ୟୁନାଲରେ ୨୦ତମ ଶୁଣାଣି ହେବ । ପୂର୍ବରୁ ୧୯ ଥର ଶୁଣାଣି ହୋଇଥିବା ବେଳେ କୌଣସି ସମାଧାନ ହୋଇନାହିଁ । ଟ୍ରିବ୍ୟୁନାଲକୁ ରାଜ୍ୟ ସରକାର ସବୁ ତଥ୍ୟ ପ୍ରଦାନ କରିସାରିଛନ୍ତି । କିନ୍ତୁ ରାୟ ଆସିବା ଯାଏଁ ଅଣ ମୌସୁମୀରେ ମହାନଦୀରେ କେମିତି ଜଳ ପ୍ରବାହ ପ୍ରଭାବିତ ହେବନି ସେନେଇ ଟ୍ରିବ୍ୟୁନାଲ୍ ପଦକ୍ଷେପ ନେବା ଉଚିତ । କାରଣ ଧିରେ ଧିରେ ଅଣମୌସୁମୀରେ ମହାନଦୀରେ ଜଳ ପ୍ରବାହ କମୁଛି । ସେପଟେ ମହାନଦୀ ବଞ୍ଚାଅ ଅଭିଯାନ ପକ୍ଷରୁ ଅନୁଷ୍ଠିତ ବୈଠକରେ ସବୁ ରାଜନୈତିକ ଦଳ ନିଜର ରାଜନୈତିକ ସ୍ବାର୍ଥରୁ ଊର୍ଦ୍ଧ୍ୱ ଯାଇ ଦାୟିତ୍ବ ତୁଲାଇବା ଉଚିତ ବୋଲି ମତପ୍ରକାଶ ପାଇଛି । ମହାନଦୀ ଉପରେ ଉଭୟ ଛତିଶଗଡ ଏବଂ ଓଡ଼ିଶା ଲୋକଙ୍କ ସମାନ ଅଧିକାର ରହିଛି । ଏଥପାଇଁ ସମସ୍ତେ ସ୍ବର ଉଠାଇବା ଦରକାର । ଟ୍ରିବୁନାଲର ବିଚାର ପ୍ରକ୍ରିୟା ବିଳମ୍ବ ହେଉଥିବାରୁ ସୁପ୍ରିମକୋର୍ଟ ଯିବାକୁ ଘୋଷଣା କରିଛି ମହାନଦୀ ବଞ୍ଚାଅ ଆନ୍ଦୋଳନ ।
