କଟକଣା ଭିତରେ ବାଲି କପିଳେଶ୍ୱର ପୀଠରେ ଜାଗର ଯାତ୍ରା ପାଳିତ
ପୁରୀ: ପୁରୀ ଜିଲ୍ଲାର ପ୍ରସିଦ୍ଧ ଶୈବ ପୀଠ କୋଣାର୍କର ବାଲି କପିଳେଶ୍ୱର ପୀଠରେ ଜାଗର ଯାତ୍ରା ପାଳିତ ହୋଇଛି । ବିଶେଷକରି କାକଟପୁରର ପ୍ରାଚୀ ଉପତ୍ୟକା ଜୀଉନ୍ତି ଗ୍ରାମର ପ୍ରସିଦ୍ଧ ଈଶ୍ୱରନାଥ ଦେବ ପୀଠ ସମେତ, ବିଭିନ୍ନ ଶୈବ ପୀଠ ସହ ଓଡ଼ିଶାର ଅନ୍ୟତମ ପ୍ରସିଦ୍ଧ ଶୈବ ପୀଠ କୋଣାର୍କର ବାବା ବାଲି କପିଳେଶ୍ୱର ପୀଠରେ କୋଭିଡ କଟକଣା ମଧ୍ୟରେ ମହାଶିବରାତ୍ରି ଜାଗର ଯାତ୍ରା ଅନୁଷ୍ଠିତ ହୋଇଛି ।
ଭୋର ୩ଟାରୁ ମହାପ୍ରଭୁଙ୍କ ସ୍ନାନ ମାର୍ଜନା, ସୂର୍ଯ୍ୟ ପୂଜା, ବଲ୍ଲବ ପରେ ଭୋର ୪ଟା ରେ ସାଧାରଣ ଦର୍ଶନ ଆରମ୍ଭ ହୋଇଛି । କୋଭିଡ୍ କଟକଣା ପାଇଁ ଚଳିତ ବର୍ଷ ଦୋକାନ ବଜାର, ବନ୍ଦ ରହିଥିବା ବେଳେ ଭକ୍ତ ମାନେ ବାରିକେଟ ମଧ୍ୟରେ ମହାପ୍ରଭୁଙ୍କୁ ଧାଡି ଦର୍ଶନ କରୁଛନ୍ତି । ପ୍ରତ୍ୟେକ ବର୍ଷ ଲକ୍ଷାଧିକ ଶ୍ରଢାଳୁଙ୍କ ଭିଡ଼ ଜମୁଥିବା ବେଳେ ଚଳିତ ବର୍ଷ ଭକ୍ତଙ୍କ ସଂଖ୍ୟ କମ ରହିଛି । ଜାଗର ଯାତ୍ରାକୁ ଶୃଙ୍ଖଳିତ କରିବା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି ।
ସେହିଭଳି ବରଗଡ଼ ଗାଇସୀମାର ପ୍ରସିଦ୍ଧ ଶୈବ ପୀଠ ଶ୍ରୀ ଶ୍ରୀ ବରାଡ଼ ବାଲୁଙ୍କେଶ୍ଵର ଧାମରେ ଭକ୍ତ କରୋନା କଟକଣା ଭିତରେ ଭଗବାନଙ୍କୁ ଦର୍ଶନ କରୁଛନ୍ତି । ପଶ୍ଚିମ ଓଡିଶାର ଅଷ୍ଟଶମ୍ଭୁ ମଧ୍ୟରେ ଗାଇସିମାର ବରାଡ଼ ବାଲୁଙ୍କେଶ୍ଵର ଧାମ ହୋଇଥିବାରୁ ବିଗତ ଦିନ ମାନଙ୍କରେ ହଜାର ହାଜର ଭକ୍ତଙ୍କ ସମାଗମ ହେଉଥିବା ବେଳେ ଚଳିତ ବର୍ଷ ଭକ୍ତଙ୍କ ସଂଖ୍ୟା କମିଛି । କରୋନା ପାଇଁ ଫିକା ପଡିଛି ଜାଗର ଉତ୍ସବ ।
