ପ୍ରସିଦ୍ଧ ପଶୁପତିନାଥ ମନ୍ଦିରରେ ଶ୍ରଦ୍ଧାଳୁଙ୍କ ଗହଳି; ହରହର ମହାଦେବ ଧ୍ଵନିରେ କମ୍ପୁଛି ପୀଠ

ନୂଆଦିଲ୍ଲୀ : ନେପାଳ ପଶୁପତିନାଥ ମନ୍ଦିରରେ ଆରମ୍ଭ ହୋଇଛି ଶିବରାତ୍ରି ତଥା ଜାଗର ଯତ୍ରା । ଚଳଚଞ୍ଚଳ ପୁରା ନେପାଲର ରାଜଧାନୀ କାଠମାଣ୍ଡୁ । ହର ହର ମହାଦେବ ଧ୍ବନୀରେ କମ୍ପୁଛି ପୀଠ ପରିସର । ସକାଳ ୩ଟା ୧୫ ମିନିଟ ସମୟରୁ ଆରମ୍ଭ ହୋଇଚି ପଶୁପତିନାଥଙ୍କ ପ୍ରଥମ ପୂଜା। ୩ ଜଣ ପଣ୍ଡିତଙ୍କ ଦ୍ବାରା ପୂଜା ସମ୍ପନ୍ନ କରାଯାଉଛି ।

ଓଡ଼ିଆ ଧର୍ମ ପରି ଷୋଳ ପୂଜା, ଅଧିବାସ, ରୁଦ୍ରାଭିସେକ୍, ହରହରି ଭେଟ ଓ ଷୋଡ଼ଶ ଉପଚାର ସହିତ ସ୍ଵତନ୍ତ୍ର ଆଳତୀ କରାଯାଉଛି ।ପୂରୁଣା ପରମ୍ପୀପରା ଅନୁଯାଇ ଏଠାରେ ପ୍ରଭୁ ଶିବଙ୍କ ଠାରେ ଫୁଲ ଅପେକ୍ଷା ବେଶୀ ଲାଗି ହେଉଛି ରୁଦ୍ରାକ୍ଷ । ବିଶେଷ କରି ୬୦୦୦ ସାଧୁ, ନାଗା ବାବା ଏହି ପର୍ବରେ ଯୋଗ ଦେଇଛନ୍ତି । ଗତକାଲି ୨ ଲକ୍ଷ ଲୋକ ଭକ୍ତଙ୍କ ସମାଗମ ମନ୍ଦିରରେ ଦେଖିବାକୁ ମିଳିଥିଲା।

ଆଜି ୧୫ ଲକ୍ଷ ଭକ୍ତ ,ସାଧୁ ଏକତ୍ରିତ ହେବେ ବୋଲି ସୂଚନା ଦେଇଛନ୍ତି ମନ୍ଦିର କମିଟି । ସନ୍ଧ୍ୟା ୫ଘଟିକା ୪୫ ମିନିଟ ସମୟରେ ମନ୍ଦିର ବେଢ଼ାରେ ଥିବା ବାଗମତି ନଦୀ କୂଳରେ ସ୍ଵତନ୍ତ୍ର ଆରତୀ କରାଯିବ।ଭକ୍ତଙ୍କ ଦର୍ଶନ ପାଇଁ ମନ୍ଦିରର ସମ୍ମୁଖ ଦ୍ଵାରଟି ଖୋଲା ଯାଇଛି । ଭିଡକୁ ଆଖି ଆଗରେ ରଖି ବ୍ୟାପକ ପୋଲିସ,ସ୍ଵତନ୍ତ୍ର ଟ୍ରାଫିକ ବ୍ୟବସ୍ଥା ସହ ପର୍ଯ୍ୟଟକ ମାନକୁ କିପରି କୌଣସି ଅସୁବିଧା ହେବ ନାହିଁ ତା ଉପରେ ଗୁରୁତ୍ବ ଦେଇଛି ସ୍ଥାନୀୟ ପ୍ରଶାସନ ଓ ମନ୍ଦିର କମିଟି।