ରାସ୍ତା ତିଆରିକୁ ବିରୋଧ କରିବାରୁ ଦୁଇ ମହିଳାଙ୍କୁ ପୋତି ଦେବା ଲାଗି ଉଦ୍ଯମ

ନନ୍ଦିଘୋଷ ବ୍ୟୁରୋ: ମଧ୍ଯପ୍ରଦେଶରେ ଦୁଇ ମହିଳାଙ୍କୁ ପୋତି ଦେବା ଲାଗି ଉଦ୍ଯମ। ରାସ୍ତା ତିଆରିକୁ ବିରୋଧ କରିବାରୁ ସେମାନଙ୍କୁ ପୋତି ଦେବା ଲାଗି ହୋଇଥିଲା ହୀନ ଉଦ୍ଯମ। କଥା ସେତିକିରେ ନଥିଲା। ତାଙ୍କୁ ଅଧା ବି ପୋତି ଦିଆଯାଇଥିଲା। ଘଟଣା ଘଟିଛି ମଧ୍ଯପ୍ରଦେଶର ରେବା ଜିଲ୍ଲାରେ। ଦୁଇ ମହିଳାଙ୍କ ନାମ ହେଲା ମମତା ପାଣ୍ଡେ ଓ ଆଶା ପାଣ୍ଡେ। ମଙ୍ଗୱା ପୋଲିସ ଷ୍ଟେସନ ଅନ୍ତର୍ଗତ ହିନୋତା ଜୋରଟ ଗ୍ରାମରେ ଏକ ରାସ୍ତା କାମ ଚାଲିଥିଲା। ତେବେ ରାସ୍ତା ନିର୍ମାଣକୁ ବିରୋଧ କରିଥିଲେ ଦୁଇ ମହିଳା। ତେବେ ଡମ୍ପରରୁ ସେମାନଙ୍କ ଉପରେ ମାଟି ପକାଇଦିଆଯାଇଥିଲା। ସେମାନେ ଚିତ୍କାର କରିବାରୁ ସ୍ଥାନୀୟ ଲୋକେ ଆସି ସେମାନଙ୍କୁ ଉଦ୍ଧାର କରିଥିଲେ। ସେମାନଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଥିଲା। ପୋଲିସ ଡମ୍ପରକୁ ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି। ଏହି ଘଟଣାକୁ ନେଇ ବିଜେପି ସରକାର ଉପରେ ବର୍ଷିଛି କଂଗ୍ରେସ।