ଟିକାକରଣ କେନ୍ଦ୍ରରେ ସ୍ତ୍ରୀ ପହଞ୍ଚିବା ପରେ ସ୍ତ୍ରୀର ଆଧାର କାର୍ଡ ନେଇ ଗଛ ଉପରେ ଚଢ଼ିଗଲା ସ୍ୱାମୀ
ନୂଆଦିଲ୍ଲୀ: କରୋନାରୁ ବଞ୍ଚିବା ପାଇଁ ଏକମାତ୍ର ଉପାୟ ହେଉଛି କରୋନା ଟିକା। ଦେଶରେ ଏବେ ଟିକାକରଣକୁ ଜୋଦାର କରାଯାଇଛି। ଲୋକେ ଏବେ କରୋନାରୁ ବଞ୍ଚିବା ପାଇଁ ବହୁ ସଂଖ୍ୟାରେ ଟିକାକରଣ କେନ୍ଦ୍ରରେ ପହଞ୍ଚୁଛନ୍ତି। କିନ୍ତୁ କିଛି ଗୁଜବ ଏବେ ଟିକା ଏବଂ ଲୋକଙ୍କ ମଧ୍ୟରେ ବାଡ଼ ହୋଇ ଛିଡ଼ା ହୋଇଛି । ଲୋକେ କିଛି ଗୁଜବ ପାଇଁ ଟିକେ ନେବା ପାଇଁ ଭୟ କରୁଛନ୍ତି। ଟିକେ ନେବା ପରେ ଲୋକଙ୍କ ମୃତ୍ୟୁ ହେଇଯିବ। ଏଭଳି ଗୁଜବ ଟିକା ଟାରୁ ଲୋକଙ୍କୁ ଦୁରେଇ ରଖୁଛି। ଏମିତି ଏକ ଗୁଜବ ପାଇଁ ମଧ୍ୟପ୍ରଦେଶରେ ଏକ ମଜାଦାର ଘଟଣା ସାମ୍ନାକୁ ଆସିଛି।
ମଧ୍ୟପ୍ରଦେଶରେ ଜଣେ ବ୍ୟକ୍ତି ତାଙ୍କ ସ୍ତ୍ରୀଙ୍କ ଆଧାର କାର୍ଡ ନେଇ ଗଛ ଉପରେ ଚଢ଼ିଯାଇଛନ୍ତି। ଗଛରେ ଚଢ଼ିଥିବା ବ୍ୟକ୍ତି କରୋନାଟିକା ନେବା ପାଇଁ ମନା କରିଥିଲେ ଏବଂ ତାଙ୍କ ସ୍ତ୍ରୀକୁ ବାରଣ କରିଥିଲେ। କିନ୍ତୁ ମହିଳା ଜଣକ ଟିକା ପାଇଁ ବାଧ୍ୟ କରିଥିଲେ। ଏହା ପରେ ବ୍ୟକ୍ତି ଜଣଙ୍କ ତାଙ୍କ ସ୍ତ୍ରୀଙ୍କର ଆଧାର କାର୍ଡ ନେଇ ଗଛ ଉପରେ ଚଢ଼ିଯାଇଥିଲେ।
ରାଜଗଡ ଜିଲ୍ଲାର ପତନ କାଲା ଗ୍ରାମରେ ଜଣେ ଯୁବକ ଟିକା ନନେବା ପାଇଁ ଗଛ ଉପରେ ଚଢ଼ିଯାଇଥିଲେ। ଗ୍ରାମବାସୀ ତାଙ୍କୁ ଓହ୍ଲାଇବାକୁ ଅନେକ ଥର କହିଥିଲେ, କିନ୍ତୁ ସେ କାହା କଥା ଶୁଣିଲେ ନାହିଁ। ଟିକାକରଣ କେନ୍ଦ୍ରରେ ଟିକା ଶେଷ ନହେବା ପର୍ଯ୍ୟନ୍ତ ବକ୍ତି ଜଣକ ଗଛ ତଳକୁ ଉହ୍ଲାଇ ନଥିଲେ।
