କର୍ତ୍ତବ୍ୟ ସାମ୍ନାରେ ହାର ମାନିଲା ଲକ୍ଡାଉନ୍ର ଲମ୍ବା ରାସ୍ତା
ଆଜି କିପରି କର୍ତ୍ତବ୍ୟ ପାଳନ କରାଯାଏ, ଜଣେ ପୋଲିସ କର୍ମଚାରୀ ଶିଖାଇଛନ୍ତି । ପୋଲିସ ବାବୁଙ୍କ ସାମ୍ନାରେ କର୍ତ୍ତବ୍ୟର ୪୫୦ କିଲୋମିଟର ଲମ୍ବା ରାସ୍ତାବି ହାର ମାନିଛି । ଆଜି ସମଗ୍ର ଦେଶ କରୋନା ଭାଇରସ୍ ସହ ସଂଘର୍ଷ କରୁଛି । ଏହାର ପରିମାଣ ପାଇଁ ସାରା ଦେଶରେ ସରକାର ସମସ୍ତ ରାଜ୍ୟରେ ଲକ୍ଡାଉନ୍ ପାଇଁ ନିର୍ଦ୍ଦେଶ ଦେଇଛନ୍ତି । ଯାହା ଦ୍ୱାରା ଏହି ଭରଇରସ୍କୁ ରୋକା ଯାଇପାରିବ । ରାଜ୍ୟଗୁଡିକର ପୋଲିସ୍ ଫୋର୍ସ ଏଥିପାଇଁ ୨୪ ଘଣ୍ଟା ସେମାନଙ୍କ କାର୍ଯ୍ୟରେ ନିୟୋଜିତ ଅଛି । ଲକ୍ଡାଇନ୍ ସମୟରେ ଗମନା ମଗମନର ସୁବିଧାକୁ ବାତିଲ କରାଯାଇଛି । ଏହି ସମୟରେ ଜଣେ ପୋଲିସ୍ କନେଷ୍ଟବଳ ନିଜର ଡିୟୁଟିରେ ଯୋଗ ଦେବାପାଇଁ ଏକ ଲମ୍ବା ରାସ୍ତା ଅତିକ୍ରମ କରିଛନ୍ତି ।
କନଷ୍ଟେବଲ ପୋଷ୍ଟରେ ଚାକିରୀ କରିଥିବା ଦିଗବିଜୟ ଶର୍ମା ସ୍ନାତକୋତ୍ତର ପରୀକ୍ଷା ଦେବାକୁ ୧୬ ମାର୍ଚ୍ଚରେ ଇଟାୱା ସ୍ଥିତ ତାଙ୍କ ଘରକୁ ଯାଇଥିଲେ। ତେବେ ସେହି ସମୟରେ ଦେଶରେ ଲକ୍ଡାଉନ୍ ଥିବାରୁ ପରୀକ୍ଷାକୁ ସ୍ଥଗିତ ରଖାଯାଇଥିଲା । କିନ୍ତୁ ଲକ୍ଡାଉନ୍ ପାଇଁ ତାଙ୍କୁ ଡ୍ୟୁଟିକୁ ଫେରିବାକୁ ପଡ଼ିଥିଲା । ତାଙ୍କ ଆଗରେ ଲକ୍ ଡାଉନ୍ ଏକ ପ୍ରମୁଖ ସମସ୍ୟା ଥିଲା। କନଷ୍ଟେବଳ ଦିଗବିଜୟ ଏଟାୱାରୁ ରାଜଗଡ଼ ପୋଲିସ ଷ୍ଟେସନ ୪୫୦ କିଲୋମିଟରର ରାସ୍ତା କୌଣସି ଚିନ୍ତା ନକରି ଚାଲି ଚାଲି ଆସିବା ପାଇଁ ମନସ୍ତ କରିଥିଲେ ।
ଲକ୍ଡାଉନ୍ ପାଇଁ ତାଙ୍କୁ ଅନେକ କିଲୋମିଟର ଚାଲିବାକୁ ପଡିଲା । ଲକ୍ଡାଉନ୍ ଥିବାରୁ ରାସ୍ତାରେ ଖାଇବା ପାଇଁ ମଧ୍ୟକିଛି ମିଳି ନଥିଲା । ଯାହାଫଳରେ ଦିଗବିଜୟଙ୍କୁ ଭୋକିଲା ରହିବାକୁ ପଡ଼ିଥିଲା । ଶର୍ମା ହାର ମାନିନଥିଲେ ଏବଂ ଶେଷରେ ୨୮ ରେ ରାଜଗଡରେ ଯାଇ ପହଞ୍ଚିଥିଲେ। ୪୫୦ କିଲୋମିଟର ଚାଲିବା ଫଳରେ ଦିଗବିଜୟଙ୍କ ପାଦ ଫୁଲି ଯାଇଥିଲା। ଏହା ସତ୍ତ୍ୱେ ବି ଏପରି ପ୍ରତିକୂଳ ପରିସ୍ଥିତିରେ ମଧ୍ୟ ପୋଲିସ୍ ନିଜର କର୍ତ୍ତବ୍ୟ, ଭକ୍ତି ଏବଂ ଶୃଙ୍ଖଳା ପ୍ରଦର୍ଶନ କରି ତାଙ୍କ ଡ୍ୟୁଟିରେ ଆସି ଯୋଗ ଦେଇଥିଲେ ।
ଷ୍ଟେସନ ଦାୟିତ୍ୱରେ ଥିବା ସୁନୀଲ ଶ୍ରୀବାସ୍ତବ ପୋଲିସ ଅଧୀକ୍ଷକ ରାଜଗର ପ୍ରଦିପ ଶର୍ମାଙ୍କୁ ସମ୍ପୂର୍ଣ୍ଣ କଥା କହିଥିଲେ। ଏସପି ପ୍ରଦୀପ ଶର୍ମା ଦିଗବିଜୟ ଶର୍ମାଙ୍କ କର୍ତ୍ତବ୍ୟକୁ ପ୍ରଶଂସା କରିବା ସହ ଏହାକୁ ଆଦର୍ଶ ବୋଲି କହିଥିଲେ । ପୂରା ପୋଲିସ କର୍ମଚାରୀ ଦିଗବିଜୟଙ୍କୁ ପ୍ରଶଂସା କରିଥିଲେ ଏବଂ ଷ୍ଟେସନ ଦାୟିତ୍ୱରେ ଥିବା ଦିଗବିଜୟଙ୍କୁ ସମସ୍ତ କର୍ମଚାରୀଙ୍କ ସମ୍ମୁଖରେ ସମ୍ମାନିତ କରିଥିଲେ।
