କ୍ୟାରିୟର ଆରମ୍ଭରୁ କାହିଁକି ମାଧୁରୀଙ୍କୁ ରିଜେକ୍ଟ କରିଥିଲା ଦୂରଦର୍ଶନ ?

ମୁମ୍ବାଇ: ବଲିଉଡ଼ର ଧକ୍ ଧକ୍ ଗର୍ଲ ମାଧୁରୀ  । କେବେ ନିଜର ଅଭିନୟ ପାଇଁ ତ କେବେ ନିଜର ଡ୍ୟାନ୍ସ ପାଇଁ ସବୁ ବେଳେ ଚର୍ଚ୍ଚାରେ ଥିବା ମାଧୁରୀ ମଧ୍ୟ କରିଛନ୍ତି ବହୁତ ଷ୍ଟ୍ରଗଲ । ସେ ମଧ୍ୟ ନିଜ କ୍ୟାରିୟର ଆରମ୍ଭରୁ ସାମ୍ନା କରିଛନ୍ତି ବହୁ ରିଜେକ୍ସନର । ଏବେ ଯାହାଙ୍କ ହସର ଦିୱାନ ହୋଇଛି ଦୁନିଆ ତାଙ୍କ ହସର ଜାଦୁରେ କେବେ ପାଗଳ ହୋଉଥିଲେ ସିନେ ପ୍ରେମୀ । ଏହି ନାୟିକା ‘ହମ ଆପ କେ ହେ କୌନ୍, ଦେବଦାସ, ଅଞ୍ଜାମ ଏବଂ କୋଏଲା ଭଳି ଅନେକ ହିଟ୍ ଫିଲ୍ମ ଦେଇଛନ୍ତି ।

ତେବେ ଆପଣ ଜାଣନ୍ତି ଏହି ନାୟିକା ଜଣଙ୍କ ଯେତେବେଳେ ନିଜ ଅଭିନୟକୁ କ୍ୟାରିୟର କରିବାକୁ ଚାହୁଁଥିଲେ ସେ ଅନେକ ରିଜେକ୍ସନକୁ ସାମ୍ନା କରିଥିଲେ । ସେ ପ୍ରଥମେ ତାଙ୍କ କ୍ୟାରିୟର ଟେଲିଭିଜନରେ ଆରମ୍ଭ କରିବାକୁ ଯାଉଥିଲେ । ସେ ଏକ ସିରିଏଲ ମାଧ୍ୟମରେ ଡେବ୍ୟୁ କରିବାକୁ ଯାଉଥିଲେ । ୧୯୮୪ ମସିହାରେ ଦୂରଦର୍ଶନ ପାଇଁ ଏକ ସିରିଏଲ କରିଥିଲେ ଯାହାର ନାଁ ଥିଲା ବମ୍ବେ ମେରି ହେ ।

ଏଥିରେ ମୁଖ୍ୟ ଭୂମିକାରେ ଥିଲେ ମାଧୁରୀ ଦିକ୍ଷିତ୍ ଏବଂ ତାଙ୍କ ବିପକ୍ଷ  ଥିଲେ  ସେବେକାର  ଜଣାଶୁଣା ଟିଭି ଅଭିନେତା ବେଜାମିନ ଗିଲାନି  ।  ଗୀଲାନି ଅନେକ ହିଟ୍ ସିରିଏଲ ମଧ୍ୟ ଦେଇଥିଲେ । ଏବଂ ଏହି ସିରିଏଲର ନିର୍ଦ୍ଦେଶକ ଥିଲେ ଅନିଲ ତେଜନି, ଯିଏ କି ଗୋବିନ୍ଦା ଏବଂ ସଲମାନଙ୍କ ଫିଲ୍ମ ପାର୍ଟନର ନିର୍ଦ୍ଦେଶନା ଦେଇଥିଲେ ।

ସିରିଏଲର ପ୍ରଥମ ଏପିସୋଡ଼ର ଶୁଟିଂ ସରିଥିଲା ଏବଂ ଏଥିପାଇଁ ଟ୍ରାକ୍ ବା ଗୀତ ମଧ୍ୟ ପ୍ରସ୍ତୁତ ହୋଇସାରିଥିଲା । କିନ୍ତୁ ଯେତେବେଳେ ଏପିସୋଡ଼ଟି ଦୂରଦର୍ଶନକୁ ପଠାଗଲା, କିନ୍ତୁ ଦୂରଦର୍ଶନ ଏହାକୁ  ରିଜେକ୍ଟ କରିଥିଲା । ଏବଂ ରିଜେକ୍ଟର କାରଣ ପାଲଟିଥିଲା ସିରିଏଲରେ କାଷ୍ଟ କରାଯାଇଥିବା ଅଭିନେତା ଓ ଅଭିନେତ୍ରୀ  । ତେବେ ଏହି ସିରିଏଲର ଫଟୋ ଏବେ ବି ଇଣ୍ଟରନେଟରେ ରହିଛି ।

ତେବେ ମାଧୁରୀଙ୍କ କଥା କହିବାକୁ ଗଲେ ମାଧୁରୀଙ୍କୁ ୧୯୮୪ରେ ରାଜଶ୍ରୀ ପ୍ରଡକ୍ସନ ଦ୍ୱାରା ନିର୍ମିତ ଫିଲ୍ମ ଅବୋଧ’ରେ ତାଙ୍କୁ ଡେବ୍ୟୁର ସୁଯୋଗ ମିଳିଥିଲା ।