ମୁମ୍ବାଇ: ଖୁବ ଶୀଘ୍ର ମାଆ ହେବାକୁ ଯାଉଛନ୍ତି କମେଡ଼ି କ୍ୱିନ୍ ଭାରତୀ ସିଂହ ଲିମ୍ବାଚିୟା । ନିକଟରେ ସେ ନିଜ ବେବି ବମ୍ପର କିଛି ଫଟୋ ସୋଶିଆଲ ମିଡିଆରେ ଶେଆର କରିଥିଲେ ଯହାକି ବେଶ୍ ଚର୍ଚ୍ଚାରେ ରହିଥିଲା । ଏବେ ପୁଣି ଭାରତୀ ଚର୍ଚ୍ଚାକୁ ଆସିଛନ୍ତି । ଏଥର କିନ୍ତୁ ବଲିଉଡର ଧକ୍ ଧକ୍ ଗର୍ଲ ମାଧୁରୀଙ୍କ ପାଇଁ ।
ଗର୍ଭବତୀ ଅବସ୍ଥାରେ ମଧ୍ୟ ସେ ବେଶ୍ ଆକ୍ଟିଭ ଅଛନ୍ତି ଭାରତୀ । ବର୍ତ୍ତମାନ ସେ ନିଜ ସ୍ୱାମୀଙ୍କ ସହ ରିୟାଲିଟି ଶୋ ‘ହୁନର ବାଜ୍’ ହୋଷ୍ଟ କରୁଛନ୍ତି ଆଉ ସମସ୍ତଙ୍କୁ ହସାଇ ହସାଇ ବେଦମ କରୁଛନ୍ତି । ଏହି ଶୋ’କୁ ଅତିଥି ଭାବେ ଆସିଛନ୍ତି ଧକ ଧକ୍ ଗର୍ଲ ମାଧୁରୀ ଦୀକ୍ଷିତ। ଆଉ ଏହି ଏପିସୋଡର ଏକ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି।
ଶୋ’ର ଭିଡିଓରେ, ଆପଣ ଦେଖିପାରିବେ ଯେ ମାଧୁରୀ ଦୀକ୍ଷିତ, ପ୍ରତିଯୋଗୀଙ୍କ ପ୍ରଦର୍ଶନରେ ଖୁସି ହୋଇ ମଞ୍ଚକୁ ଆସନ୍ତି ଏବଂ ତିନିଜଣ ପ୍ରତିଯୋଗୀଙ୍କୁ ଟଙ୍କା ଦେଉଛନ୍ତି ଏବଂ କହୁଛନ୍ତି ଆପଣ ତିନିଜଣଙ୍କୁ କାହା ନଜର ନ ଲାଗୁ। ପ୍ରତିଯୋଗୀମାନଙ୍କ ନଜର ଉତାରିବା ପରେ ମାଧୁରୀ ଭାରତୀଙ୍କ ବେବି ବମ୍ପକୁ ଏକ କିସ୍ କରୁଛନ୍ତି ଆଉ କହୁଛନ୍ତି ଯେ ତୁମକୁ ବି କାହା ନଜର ନ ଲାଗୁ।
ମାଧୁରୀଙ୍କ ଏହି ଅନ୍ଦାଜ ଭାରତୀ ଏବଂ ସମସ୍ତ ଜଜ୍ ଓ ଦର୍ଶକମାନଙ୍କୁ ବେଶ୍ ପସନ୍ଦ ଆସିଥିଲା। ମନୋରଞ୍ଜନ ଜଗତର ଦୁଇ ପ୍ରତିଭାଶାଳୀ ମହିଳା ମାଧୁରୀ ଦୀକ୍ଷିତ ଏବଂ ଭାରତୀ ସିଂଙ୍କ ମଧ୍ୟରେ ଏହି ସୁନ୍ଦର ମୁହୂର୍ତ୍ତ ଦେଖି ଆପଣ ମଧ୍ୟ ନିଶ୍ଚିତ ଖୁସି ହୋଇଯିବେ। ବାସ୍ତବରେ ହୁନାରବାଜ୍ ମଞ୍ଚରୁ ଆସିଥିବା ଏହି ଭିଡିଓ ଏତେ ହୃଦୟଶ୍ପର୍ଶୀ ହୋଇଛି ଯେ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ସମସ୍ତଙ୍କୁ ଏହା ବହୁତ ପସନ୍ଦ ମଧ୍ୟ ଆସୁଛି।
