ମଧୁବାବୁ ପେନସନ୍ ହିତାଧିକାରୀଙ୍କୁ ପୁଣି ୪ ମାସର ଭତ୍ତା ଦେବେ ରାଜ୍ୟ ସରକାର….

ଭୁବନେଶ୍ୱର : ମଧୁବାବୁ ପେନସନ୍ ଯୋଜନାରେ ପୁଣି ଆଗୁଆ ୪ ମାସର ଭତ୍ତା ମିଳିବ । ବରିଷ୍ଠ ନାଗରିକଙ୍କ ପାଇଁ ରାଜ୍ୟ ସରକାର ଏଭଳି ନିଷ୍ପତ୍ତି ନେଇଛନ୍ତି । କରୋନା ଆରମ୍ଭ ହେବା ସମୟରେ ସରକାର ଏହି ଅଗ୍ରୀଣ ଭତ୍ତା ବ୍ୟବସ୍ଥାକୁ ଲାଗୁ କରିଥିଲେ ।ଗତ ୪ ମାସ – ଏପ୍ରିଲ୍, ମେ, ଜୁନ୍, ଜୁଲାଇ  ମାସ ପାଇଁ ରାଜ୍ୟ ସରକାର ଅଗ୍ରୀଣ ଭତ୍ତା ମେ ମାସରେ ହିଁ  ଦେଇଥିଲେ । ଏବେ ପୁଣି ୪ ମାସ ପାଇଁ ପେନସନ୍ ମିଳିବ ।

ସେପ୍ଟେମ୍ୱର, ଅକ୍ଟୋବର, ନଭେମ୍ୱର ଓ ଡିସେମ୍ୱର ମାସ ପାଇଁ ଅଗ୍ରୀଣ ପେନସନ୍ ଦେବା ନେଇ ସାମାଜିକ ସଶକ୍ତିକରଣ ମନ୍ତ୍ରୀ ଅଶୋକ ପଣ୍ଡା ସୂଚନା ଦେଇଛନ୍ତି । ସେହିଭଳି ରାଜ୍ୟ ସରକାର ଅଗଷ୍ଟ ମାସରେ ହଜାର ଟଙ୍କା ଲେଖାଏଁ ପ୍ରଦାନ କରିବା ସହ କିନ୍ନରଙ୍କ କ୍ଷେତ୍ରରେ ମଧ୍ୟ ଏହି ସୁବିଧା ଲାଗୁ କରିଥିଲେ ।