ନାଇଟ୍ କର୍ଫ୍ୟୁ ଉଲ୍ଲଂଘନ କରି ଚାଲିଥିଲା ବାର୍

ଭୁବନେଶ୍ୱର: ରାଜ୍ୟରେ କୋଭିଡ୍ କଟକଣା କୋହଳ ହୋଇଥିବା ବେଳେ ରାତ୍ରୀକାଳୀନ କର୍ଫ୍ୟୁ ଜାରି ହୋଇଛି । ରାତି ୧୦ଟା ସୁଦ୍ଧା ଦୋକାନ ବଜାର ବନ୍ଦ ପାଇଁ ରହିଛି ଏସଆରସିଙ୍କ ନିର୍ଦ୍ଦେଶ । ରାତ୍ରୀକାଳୀନ କର୍ଫ୍ୟୁ ବେଳେ କେବଳ ଜରୁରୀକାଳୀନ ସେବାକୁ ଅନୁମତି ରହିଛି । ହେଲେ କିଛି ବାର୍ ନିୟମ ମାନୁନାହାଁନ୍ତି ।

ରାଜଧାନୀର ଜନପଥରେ ଥିବା ମ୍ୟାଡ୍ ମୁଲେ ବାରକୁ ବିଏମସ୍ ସିଲ୍ କରିଛି । କୋଭିଡ୍ କଟକଣା ଥିବାବେଳେ ନାଇଟ କର୍ଫ୍ୟୁକୁ ନମାନି ବାର୍ ଖୋଲିଥିଲା । ବିଏମସି ସହକାରୀ କମିଶନର ଲିଲନ ସାହୁଙ୍କ ନେତୃତ୍ୱରେ ଖାରବେଳ ନଗର ଥାନା ପୋଲିସ ପକ୍ଷରୁ ମିଳିତ ଚଢ଼ାଉ ହୋଇଥିଲା । ଅନିର୍ଦ୍ଦିଷ୍ଟ କାଳ ପାଇଁ ବାରକୁ ସିଲ୍ କରାଯାଇଛି ।