କୁମାରପୂର୍ଣ୍ଣମା ପାଇଁ ମାଆ ସମଲେଶ୍ବରୀଙ୍କ ସ୍ଥିର ହେଲା ସ୍ବତନ୍ତ୍ର ନୀତି ନିର୍ଘଣ୍ଟ

ସମ୍ବଲପୁର: ଚନ୍ଦ୍ର ଗ୍ରହଣକୁ ଦୃଷ୍ଟିରେ ରଖି ସମ୍ବଲପୁର ସମଲେଶ୍ବରୀଙ୍କ ସ୍ବତନ୍ତ୍ର ନୀତି ନିର୍ଘଣ୍ଟ କରାଯାଇଛି । କୁମାରପୂର୍ଣ୍ଣମା ପାଇଁ ମାଆ ସମଲେଶ୍ବରୀଙ୍କ ପୀଠରେ ନୀତି ନିର୍ଘଣ୍ଟ ସ୍ଥିର କରାଯାଇଛି । ପ୍ରାତଃ ୫ଟାରେ ମଙ୍ଗଳ ଆଳତି କରାଯାଇ ୬ଟାରୁ ଆରମ୍ଭ ହେବ ସାଧାରଣ ଦର୍ଶନ । ଦିବା ୧୧ ଟା ୪୫ ରୁ ଅପରାହ୍ନ ୨ଟା ପର୍ଯ୍ୟନ୍ତ ସାଧାରଣ ଦର୍ଶନ ବନ୍ଦ ରହିବ । ଏହି ସମୟରେ ମାଆଙ୍କ ଅନ୍ନଭୋଗ ଲାଗି ହେବ । ମାଆଙ୍କ ସିଙ୍ଗାର ଓ ରାଜରଜେଶ୍ବରୀ ବେଶ ଅନୁଷ୍ଠିତ ହେବ । ମନ୍ଦିରରେ ଧ୍ବଜାରୋହଣ ପର୍ବ ଓ ମହାଦୀପ ଉଠିବ । ଅପରାହ୍ନ ୨ଟାରୁ ଅପରାହ୍ନ ୩ଟା ୧୫ ପର୍ଯ୍ୟନ୍ତ ଭକ୍ତ ମାନଙ୍କ ଦର୍ଶନ ସୁଯୋଗ ମିଳିବ । ଏହାପରେ ଚନ୍ଦ୍ରଗ୍ରହଣ ହେତୁ ମନ୍ଦିର ବନ୍ଦ ରହିବ । ମନ୍ଦିର ଟ୍ରଷ୍ଟ ବୋର୍ଡ ଓ ମନ୍ଦିର ପୂଜକ ମିଳିତ ନିଷ୍ପତ୍ତି କ୍ରମେ ଏହି ନୀତି ନିର୍ଘଣ୍ଟ କରାଯାଇଛି ।