ଆସନ୍ତାକାଲି ବର୍ଷର ଶେଷ ଚନ୍ଦ୍ର ଗ୍ରହଣ, ଜାଣନ୍ତୁ କେଉଁ ରାଶି ପାଇଁ ଶୁଭ, କେଉଁ ରାଶି ପାଇଁ ଅଶୁଭ
1 min read
ଭୁବନେଶ୍ୱର: ଆସନ୍ତାକାଲି ୨୦୨୨ର ଶେଷ ଚନ୍ଦ୍ର ଗ୍ରହଣ । ଏହା ବର୍ଷର ଦ୍ୱିତୀୟ ଚନ୍ଦ୍ରଗ୍ରହଣ । ଦେଶରେ ପ୍ରଥମେ ଅରୁଣାଚଳ ପ୍ରଦେଶରେ ଚନ୍ଦ୍ର ଗ୍ରହଣ ଦେଖିବାକୁ ମିଳିବ । ଦେଶର ପୂର୍ବ-ଉତ୍ତର ରାଜ୍ୟରେ ପୂର୍ଣ୍ଣ ଚନ୍ଦ୍ର ଗ୍ରହଣ ଏବଂ ଅନ୍ୟ ସମସ୍ତ ରାଜ୍ୟରେ ଆଂଶିକ ଚନ୍ଦ୍ର ଗ୍ରହଣ ଦେଖିବାକୁ ମିଳିବ । କାର୍ତ୍ତିକ ପୂର୍ଣ୍ଣିମାରେ ଚନ୍ଦ୍ରଗ୍ରହଣ ପାଇଁ ବୋଇତ ବନ୍ଦାଣରେ କଟକଣା ଜାରି ହୋଇଛି । ତେବେ ଶ୍ରଦ୍ଧାଳୁ ଭୋର ୫ଟା ୩୮ମିନିଟ୍ ପୂର୍ବରୁ ବୋଇତ ବନ୍ଦାଣ ସମ୍ପନ୍ନ କରିବେ ।
ପ୍ରାତଃ ୫ଟା ୩୮ ମିନିଟରୁ ସନ୍ଧ୍ୟା ୬ଟା ୨୦ ପର୍ଯ୍ୟନ୍ତ ଗ୍ରହଣ ଲାଗିବ । ଏହି ସମୟରେ ପାକ ତ୍ୟାଗ ଏବଂ ଦେବକାର୍ଯ୍ୟ ନିଷେଧ ।
କେଉଁ ରାଶି ପାଇଁ ଶୁଭ:
ଗ୍ରହଣ ଦର୍ଶନ ପାଇଁ ଶୁଭରାଶି ଗୁଡ଼ିକ ହେଉଛି, ମିଥୁନ, କର୍କଟ, ସିଂହ, ତୁଳା, ବିଚ୍ଛା, ଧନୁ, କୁମ୍ଭ, ମୀନ ।
କେଉଁ ରାଶି ପାଇଁ ଅଶୁଭ:
ଗ୍ରହଣ ଦର୍ଶନ ପାଇଁ ଅଶୁଭ ରାଶି ଗୁଡ଼ିକ ହେଉଛି, ମେଷ, ବୃଷ, କନ୍ୟା ଓ ମକର ।ଗ୍ରହଣ ସ୍ପର୍ଶ ସମୟ ହେଉଛି ଅପରାହ୍ନ ୨ଟା ୩୯ ମିନିଟ୍ । ଗ୍ରହଣ ମଧ୍ୟ: ଅପରାହ୍ନ ୪ଟା ୨୯ ମିନିଟ୍ । ଗ୍ରହଣ ମୋକ୍ଷ: ସନ୍ଧ୍ୟା ୬ଟା ୨୦ମିନିଟ୍ । ତେବେ ଗ୍ରହଣ ସ୍ଥିତିକାଳ: ୩ଘଣ୍ଟା ୪୧ମିନିଟ୍ ।
