ବୋମା ଲଗାଇବା ବେଳେ ବିସ୍ଫୋରଣ ?

ଲୁଧିଆନା: ପଞ୍ଜାବ ଲୁଧିଆନା କୋର୍ଟରେ ଆଜି ଏକ ବଡ଼ ଧରଣର ବିସ୍ଫୋରଣ ହୋଇଛି । ଏହି ବିସ୍ଫୋରଣ ଫଳରେ  ଦୁଇ ଜଣଙ୍କର ମୃତ୍ୟୁ ହୋଇଥିବାବେଳେ ୫ ଜଣ ଲୋକ ଗୁରୁତର ଭାବରେ ଆହତ ହୋଇଛନ୍ତି । ଏହି ଘଟଣାରେ ପୋଲିସ ଓ ତଦନ୍ତକାରୀ ଏଜେନ୍ସି ଏହି ମାମଲାରେ ତଦନ୍ତ ଆରମ୍ଭ କରିଛି । ପ୍ରାଥମିକ ତଦନ୍ତରୁ ତାଙ୍କୁ ଜଣାପଡ଼ିଛି କି ଏହି ବିସ୍ଫୋରଣ ବୋମା ଲଗାଇବା ସମୟରେ ହୋଇଛି । କେବଳ ଏହା ନାହିଁ ଯାହା ସୂଚନା ମିଳୁଛି କି ଯେଉଁ ଦୁଇ ଜଣଙ୍କର ମୃତ୍ୟୁ ହୋଇଛି ସେମାନଙ୍କ ମଧ୍ୟରୁ ଜଣେ ସେହି ବ୍ୟକ୍ତି ରହିଛନ୍ତି ଯିଏ ଏହି ବୋମାକୁ ସେଠାରେ ଲଗାଉଥିଲା । IED ଦ୍ୱାରା ଏହି ବିସ୍ଫୋରଣ ହୋଇଛି ବୋଲି ଆଶଙ୍କା କରାଯାଉଛି ।

Explosion at Ludhiana District Court Complex | Punjab CM Charanjit Singh Channi meets injured persons at the hospital pic.twitter.com/y3aXlo99Oz

— ANI (@ANI) December 23, 2021

ଏହି ବିସ୍ଫୋରଣରେ ଆହତ ହୋଇଥିବା ୫ ଜଣଙ୍କୁ ହସ୍ପିଟାଲରେ ଭେଟିଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନୀ । ଲୁଧିଆନାରେ କୋର୍ଟ ପରିସରରେ ଏହି ବିସ୍ଫୋରଣ ପରେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନୀ ଓ କଂଗ୍ରେସ ଅଧ୍ୟକ୍ଷ ନବଜୋତ ସିଂ ସିଦ୍ଧୁ ଏହାକୁ ଏକ ଷଡଯନ୍ତ୍ର ବୋଲି କହିଛନ୍ତି । ମୁଖ୍ୟମନ୍ତ୍ରୀ ଚନ୍ନୀ କହିଛନ୍ତି କି ପଞ୍ଜାବ ବିଧାନସଭା ନିର୍ବାଚନ ଯେତିକି ପାଖେି ଆସୁଛି କିଛି ଦେଶ ବିରୋଧୀଙ୍କ ଦ୍ୱାରା ଏପରି ଘଟଣା କରୁଛନ୍ତି ବୋଲି ସେ କହିଥିଲେ । ସେହିପରି ଭାବରେ ପଞ୍ଜାବ କଂଗ୍ରେସ ଅଧ୍ୟକ୍ଷ ନବଜୋତ ସିଂ ସିଦ୍ଧୁ କହିଛନ୍ତି କି ଏହା ଏକ ଷଡଯନ୍ତ୍ର ଅଟେ । ଭୋଟକୁ ବିଭକ୍ତିକରଣ ପାଇଁ ଏପରି କରାଯାଉଛି ବୋଲି କହିଛନ୍ତି ନବଜୋତ ସିଂ ସିଦ୍ଧୁ ।