ରୋଷେଇ ଘରେ ପଡ଼ିବ ଚଡ଼କ, ଆସନ୍ତା ସପ୍ତାହରେ ପୁଣି ବଢିବ LPG ଦର
1 min read
ନୂଆଦିଲ୍ଲୀ: ଦେଶରେ ପେଟ୍ରୋଲ୍ ଓ ଡିଜେଲ୍ ଦର ବୃଦ୍ଧି ପାଉଥିବା ବେଳେ ରନ୍ଧନ ଗ୍ୟାସ ମଧ୍ୟ ବଢିବାରେ ଲାଗିଛି। ଏଲପିଜି ବିକ୍ରିରେ ହୋଇଥିବା କ୍ଷତି ବୃଦ୍ଧି ପାଇ ସିଲିଣ୍ଡର ପିଛା ୧୦୦ ଟଙ୍କାରେ ପହଞ୍ଚିଛି। ରିପୋର୍ଟ ଅନୁଯାୟୀ ଅକ୍ଟୋବର ୬ ତାରିଖରେ ସିଲିଣ୍ଡର ପିଛା ୧୫ ଟଙ୍କାକୁ ବୃଦ୍ଧି ପାଇଛି। ଜୁଲାଇ ପର ଠାରୁ ୧୪.୨ କିଲୋଗ୍ରାମରେ ପ୍ରାୟ ୯୦ ଟଙ୍କା ବୃଦ୍ଧି ପାଇଛି।
ଏଲପିଜିର ବିକ୍ରି ଉପରେ କ୍ଷତି ବୃଦ୍ଧି ପାଇ ସିଲିଣ୍ଡର ପିଛା ୧୦୦ ଟଙ୍କାକୁ ବଢିଛି। ଆନ୍ତର୍ଜାତୀୟ ବଜାରରେ ଗ୍ୟାସର ଦାମ୍ ବଢି ଅନେକ ବର୍ଷର ରେକର୍ଡକୁ ଭାଙ୍ଗିଛି। ସେହିପରି ସାଉଦିରେ ଏଲପିଜିର ଦରରେ ୬୦ ପ୍ରତିଶତ ବୃଦ୍ଧି ସହ ଚଳିତ ମାସରେ ୮୦୦ ଡଲାର ପ୍ରତି ଟନରେ ପହଞ୍ଚିଛି।
ଏଥି ସହିତ ଅନ୍ତର୍ଜାତୀୟ ମାନଦଣ୍ଡ ବ୍ରେଣ୍ଟ ଅଶୋଧିତ ତୖେଳ ବ୍ୟାରେଲ ପିଛା ୮୫.୪୨ ଡଲାରରେ କାରବାର କରୁଛି। ରିପୋର୍ଟ ଅନୁଯାୟୀ, ଅନ୍ୟଏକ ରିପୋର୍ଟ ଅନୁଯାୟୀ ଏଲପିଜି ଏପର୍ଯ୍ୟନ୍ତ ନିୟନ୍ତ୍ରିତ ଦ୍ରବ୍ୟ। ତେଣୁ ବୖେଷୟିକ ଭିତ୍ତିରେ ସରକାର ଖୁଚୁରା ମୂଲ୍ୟକୁ ନିୟନ୍ତ୍ରଣ କରିପାରିବେ। କିନ୍ତୁ ଯଦି ସେମାନେ ଏଭଳି କରିବେ, ତେବେ ତୖେଳ କମ୍ପାନୀଗୁଡିକୁ ଅଣ୍ଡର-ରିକୋଭରି କିମ୍ବା କ୍ଷତିର ଭରଣା କରିବାକୁ ପଡିବ। ସରକାର ଗତ ବର୍ଷ ଏଲପିଜି ଉପରେ ସବସିଡି ହଟାଇ ଦେଇଥିଲେ।
