ପ୍ରେମ ପାଇଁ ଟ୍ରେନ୍ ଆଗରେ ଶୋଇପଡ଼ିଲେ ପ୍ରେମୀ ଯୁଗଳ
ବଲାଙ୍ଗୀର: ବଲାଙ୍ଗୀର ଜିଲ୍ଲା ପୁଇଁତଲା ବ୍ଲକ୍ ନିରବଚନ ଗାଁ ନିକଟ ରେଳ ଲାଇନ୍ରୁ ପ୍ରେମୀ ଯୁଗଳଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର କରାଯାଇଛି । ମୃତ ଯ଼ୁବକ ଯୁବତୀଙ୍କ ଘର ଦେଓଗାଁ ଥାନା ଅନ୍ତର୍ଗତ ଫଟକରା ଗାଁରେ ।
ଉଭୟ ବିବାହ କରିବାକୁ ଚାହୁଁଥିବା ବେଳେ ଭିନ୍ନ ଜାତିର ହୋଇଥିବାରୁ ଘରଲୋକ ବିରୋଧ କରୁଥିଲେ । ୩ ଦିନ ତଳେ ଯୁବକ ଯୁବତୀ ଘରୁ ଫେରାର ହୋଇଯାଇଥିଲେ । ଆଜି ରେଳ ଧାରଣାରୁ ଦୁଇଜଣଙ୍କ ମୃତଦେହ ମିଳିଛି । ରେଲଓ୍ୱେ ପୋଲିସ ମୃତଦେହ ଜବତ ସହ ତଦନ୍ତ ଆରମ୍ଭ କରିଛି ।
