ପ୍ରେମ ସପ୍ତାହରେ ଜୀବନ ହାରିଲେ ପ୍ରେମୀ ଯୁଗଳ

ନବରଙ୍ଗପୁର: ଚାଲିଛି ପ୍ରେମ ସପ୍ତାହ। ଖୁସିରେ ୭ ଦିନକୁ ପାଳୁଛନ୍ତି ପ୍ରେମୀ ଯୁଗୋଳ। ହେଲେ ପ୍ରେମ ସପ୍ତାହରେ ଆସିଛି ଦୁଃଖଦ ଖବର। ନବରଙ୍ଗପୁର ଜିଲ୍ଲା ବୁର୍ଜା ଗାଁରେ ପ୍ରେମୀ ଯୁଗଳ କରିଛନ୍ତି ଆତ୍ମହତ୍ୟା। ବେକରେ ରଶି ଲଗାଇ ଉଭୟେ ଆତ୍ମହତ୍ୟା କରିଛନ୍ତି। ପ୍ରେମିକ ସନାଧାର ଭତ୍ରା ହେଉଛନ୍ତି ଉମରକୋଟ ପୂଜାରିଗୁଡ଼ା ଗ୍ରାମର । ପ୍ରେମିକା ପ୍ରିୟଙ୍କା ଗଣ୍ଡ ହେଉଛନ୍ତି ନିକଟସ୍ଥ କୁର୍ସୀ ଗ୍ରାମର।

ବିବାହ ପାଇଁ ସାମାଜିକ ସ୍ବୀକୃତି ନମିଳିବାରୁ ଉଭୟେ ଚରମ ନିଷ୍ପତ୍ତି ନେଇଥିବା ସନ୍ଦେହ କରାଯାଉଛି। ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।