ଭୁବନେଶ୍ୱର: ରାଜଧାନୀରେ ଲଭ-ସେକ୍ସ-ଧୋକା । ପ୍ରେମ କଲେ ପୁଣି ପ୍ରତାରଣା ଦେଲେ । ଅଭିଯୋଗ ପାଇଲା ପରେ ପୋଲିସ ପହଁଚିଲା, ତଦନ୍ତ ମଧ୍ୟ କଲା । ଆଉ ପ୍ରତାରଣା ଦେଇଥିବା ଯୁବକଙ୍କୁ ଗିରଫ କଲା । ଏଭଳି ଏକ ଅଭିଯୋଗ ଇନ୍ଫୋସିଟି ଥାନାରେ ପହଁଚିବା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ବିବାହର ପ୍ରତିଶ୍ରୁତି ଦେଇ ଯୁବତୀଙ୍କ ସହ ଶାରିରୀକ ସମ୍ପର୍କ ରଖିବା ପରେ ଧୋକା ଦେଇଥିବା ନେଇ ଅଭିଯୋଗ ହୋଇଥିଲା । ପରେ ଏନେଇ ଇନ୍ଫୋସିଟି ଥାନାରେ ଯୁବତୀଙ୍କ ଅଭିଯୋଗ କରିବାରୁ ପ୍ରେମିକ ଅରଜିତ ଜେନାକୁ ଅଟକ ରଖିଥିଲା ପୋଲିସ । ଉଭୟ ଯୁବକ ଯବୁତୀ କ୍ୟାପିଟାଲ ହସ୍ପିଟାଲରେ ଚାକିରୀ କରିଥିବା ନେଇ ସୂଚନା ମିଳିଛି ।
ସୂଚନା ଅନୁସାରେ ଗତ ବର୍ଷ ପଟିଆ ସରକାରୀ ମେଡିକାଲ ହସ୍ପିଟାଲରେ ଯୁବତୀ ଜଣକ ସେବିକା ଭାବରେ କାମ କରୁଥିଲେ। କ୍ୟାପିଟାଲ ହସ୍ପିଟାଲ ରେ ଅରଜିତ ଡାଟା ଏଣ୍ଟ୍ରି ଅପରେଟର କାମ କରୁଥିବା ବେଳେ ପତିଶ ମେଡିକାଲ ରେ duty ପଡିଥିଲା। ସେଇ ସମୟରେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା। ଏପରିକି ବିବାହ କରିବା ନେଇ ପରିବାର ଲୋକଙ୍କ ସହ ପରିଚତ କରାଇଥିଲେ। ଏପରିକି ଏକ ହୋଟେଲ କୁ କଥା ହେବାକୁ କହି ଡାକି ବିବାହର ପ୍ରତିଶ୍ରୁତି ଦେଇ ଯୁବତୀଙ୍କ ସହ ଶାରିରୀକ ସମ୍ପର୍କ ରଖି ଥିଲେ।
ପରେ ବିବାହ ନେଇ ପଚାରିବା ସହ ଫୋନ କରିବାରୁ ଫୋନ ଉଠାଇ ନଥିଲେ । ଏପରିକି ଗାଳିଗୁଲଜ ମଧ୍ୟ କରିଥିଲେ। ପରେ ଧୋକା ଦେଇଥିବା ନେଇ ଯୁବତୀ ଜଣଙ୍କ ଇନ୍ଫୋସିଟି ଥାନାରେ କରିଥିଲେ। ପୋଲିସ ମାମଲା ରୁଜୁ କରି ଯୁବକ ଜଣକୁ ଗିରଫ କରିଛି। ଉଭୟଙ୍କ ଡାକ୍ତରୀ ମଇନା ହୋଇଛି। ଉଭୟ କ୍ୟାପିଟାଲ ହସ୍ପିଟାଲରେ ଚାକିରୀ କରନ୍ତି। ସେପଟେ ଯୁବତୀଙ୍କୁ ନ୍ୟାୟାଳୟ ଉଚିତ ନ୍ୟାୟ ଦେବେ ବୋଲି ତାଙ୍କ ଓକିଲ କହିଛନ୍ତି।
