ଭୟଙ୍କର ଶବ୍ଦରେ ଥରିଲା ଓଡ଼ିଶାର ୩ ଜିଲ୍ଲା, ଆତଙ୍କିତ ଲୋକେ

ଭଦ୍ରକ: ଭୟଙ୍କର ଶବ୍ଦରେ ଥରିଲା ୩ ଜିଲ୍ଲା। ଭଦ୍ରକ, ଯାଜପୁର ଓ କେନ୍ଦୁଝର ଜିଲ୍ଲାର ଆନନ୍ଦପୁରରେ ଭୟଙ୍କର ଶବ୍ଦ ଅନୁଭୂତ। ଶବ୍ଦ ଶୁଣି ଭୟରେ ଘରୁ ବାହାରି ଆସିଥିଲେ ଲୋକ। ଭଣ୍ଡାରିପୋଖରୀ, ଭଦ୍ରକ, ବାରିକପୁର, କେନ୍ଦୁଆପଦା ଅଞ୍ଚଳରେ ଶବ୍ଦ ଶୁଣିଥିବା ଲୋକ କହିଛନ୍ତି।

ସୂଚନା ଅନୁଯାୟୀ ଯାଜପୁର କୋରାଇ ଅଞ୍ଚଳରେ ମଧ୍ୟ ପ୍ରଚଣ୍ଡ ଶବ୍ଦ ଶୁଣିଛନ୍ତି ଲୋକ। ୧୦ ମିନିଟ୍ ବ୍ୟବଧାନରେ ୨ ଥର ପ୍ରଚଣ୍ଡ ଶବ୍ଦ ହୋଇଛି। ସେହିପରି ଆନନ୍ଦପୁରରେ ମଧ୍ୟ ଲୋକ ଭୟଭୀତ ହୋଇଛନ୍ତି । ତେବେ ଶବ୍ଦ କୁଆଡୁ କେଉଁଠୁ ଆସିଲା ତାହା କେହି କହିପାରୁନାହାଁନ୍ତି ।