ପୂଜାପଣ୍ଡା ଓ ବଡ଼ୁ ନିଯୋଗ ମଧ୍ୟରେ ବିବାଦ, ବନ୍ଦ ହେଲା ପ୍ରଭୁ ଶ୍ରୀଲିଙ୍ଗରାଜଙ୍କ ନୀତିକାନ୍ତି

ଭୁବନେଶ୍ୱର: ବନ୍ଦ ହେଲା ପ୍ରଭୁ ଶ୍ରୀ ଲିଙ୍ଗରାଜଙ୍କ ନୀତିକାନ୍ତି । ପୁଣି ପୂଜାପଣ୍ଡା ଓ ବଡ଼ୁ ନିଯୋଗ ମଧ୍ୟରେ ବିବାଦ ପାଇଁ ନୀତି ବନ୍ଦ ହୋଇଥିବା ସୂଚନା ମିଳିଛି । ପଇତା ଲାଗି ନୀତି ନେଇ ୨୦୧୯ରୁ ଲାଗି ରହିଛି ବିବାଦ । ଗତକାଲି ସନ୍ଧ୍ୟା ଧୂପଠାରୁ ନୀତିକାନ୍ତି ବନ୍ଦ ରହିଛି । ନୀତି ବିଭ୍ରାଟ ହୋଇଥିବାରୁ ଆଜି କୌଣସି ନୀତି ହୋଇନାହିଁ । ଦେବୋତ୍ତର କମିଶନଙ୍କ ନିକଟରେ ମାମଲା ବିଚାରାଧୀନ ରହିଛି । ସମାଧାନ କରିବାରେ ବିଫଳ ହୋଇଛି ମନ୍ଦିର ପ୍ରଶାସନ । ମନ୍ଦିର ପ୍ରଶାସନ ଓ ଦେବୋତ୍ତର କମିଶନଙ୍କୁ ଦାୟୀ କରିଛନ୍ତି ସେବାୟତ । ଶ୍ରଦ୍ଧାଳୁଙ୍କ ଲିଙ୍ଗରାଜ ଦର୍ଶନ ସ୍ବାଭାବିକ ଚାଲିଛି ।

ପ୍ରତି ବର୍ଷ ସନ୍ଧ୍ୟା ଧୂପ ସମୟରେ ବଡ଼ୁନିଯୋଗ ବିନ୍ଦୁସାଗରକୁ ପଇତା ଧୋଇ ଆଣିବା ପରେ ପୂଜାପଣ୍ଡା ନିଯୋଗ ଅଧୀବାସ ପୂଜା କରନ୍ତି । ଏବର୍ଷ ବଡ଼ୁନିଯୋଗ ମନ୍ଦିର ପ୍ରଶାସନକୁ ପଇତା ଧୋଇବାର କିଛି ପ୍ରମାଣ ଦେଖାଇଲେ ପଇତା ଧୋଇବୁ ବୋଲି କହିଥିଲେ । ଫଳରେ ପଇତା ବିନ୍ଦୁସାଗରରେ ଧୂଆ ହୋଇପାରିନଥିଲା ଓ ନୀତି ବଢ଼ି ନଥିଲା । ସନ୍ଧ୍ୟାଧୂପ ପରେ ଏଭଳି ବିଭ୍ରାଟ ଉପୁଜିଥିଲା । ଯାହାଫଳରେ ମହାଦେବଙ୍କ ନୀତିକାନ୍ତି ବନ୍ଦ ହୋଇଛି ।