ମହାପ୍ରଭୁଙ୍କ ଉପରେ ପ୍ରଭାବ ପକାଇବ ରାଜବୈଦ୍ୟଙ୍କ ଦ୍ଵାରା ପ୍ରସ୍ତୁତ ଦଶମୂଳ ଔଷଧ  

ପୁରୀ: ଆଜି ସୁସ୍ଥ ହେବେ ମହାପ୍ରଭୁ । ଶ୍ରୀଜିଉଙ୍କ ଅନୁଷ୍ଠିତ ହେବ ଚକାବିଜେ ନୀତି । ମଧ୍ୟାହ୍ନ ଧୂପ ଓ ଭୋଗମଣ୍ଡପ ନୀତି ପରେ ଜୟବିଜୟ ଦ୍ଵାର ବନ୍ଦ କରାଯାଇ ବେହେରଣ ଦ୍ଵାର ଫିଟା ଯିବା ସହ ଅନବସର ନୀତି ଅନୁଷ୍ଠିତ ହେବ । ଦଇତାପତି ଓ ବିଦ୍ୟାପତି ମାନେ ଶ୍ରୀଜିଉମାନଙ୍କୁ ଚକା ଉପରେ ଚକା ବିଜେ କରାଇବା ସହ ଚକଟା ଓ ପଣା ଭୋଗ ଲାଗି କରିବେ ।

ଏହାସହ ଆଜି ଦଶମୀ ମଳ ଅବସରରେ ରାଜବୈଦ୍ୟଙ୍କ ଦ୍ଵାରା ପ୍ରସ୍ତୁତ କରାଯାଇଥିବା ଦଶମୂଳ ଔଷଧ ଶ୍ରୀମନ୍ଦିରକୁ ଯିବ । ଅନ୍ୟପଟେ ଗତକାଲି ତିନି ରଥର ଦୁଆର ବେଢା ଯୋଖା ଯାଇଥିବା ବେଳେ ଆଜି କଳସ, ବେଦୀ ସିଂହାସନ, ପାର୍ଶ୍ୱ ଦେବାଦେବୀ ରଥରେ ଯୋଖାଯିବ ।