ବିଦେଶରେ ଚାକିରି କରାଇ ଦେବା କହି ଲକ୍ଷାଧିକ ଟଙ୍କା ଲୁଟ୍

ଚାନ୍ଦବାଲି: ବିଦେଶରେ ଚାକିରି କରାଇ ଦେବା କହି ଲକ୍ଷାଧିକ ଟଙ୍କା ଲୁଟ୍। ଲୁଟେରାକୁ କାବୁ କରି ପୋଲିସରେ ଜିମା ଦେଲେ ଗାଁ ଲୋକେ। ଏମିତି ଏକ ଘଟଣା ଦେଖିବାକୁ ମିଳିଛି ଚାନ୍ଦବାଲି ବାଂଶଡା ଥାନା ଅନ୍ତର୍ଗତ ନୂଆଗାଁ ଇଛାପୁର ଗାଁରେ । ଗାଁର ୨୪ ଜଣ ଯୁବକ ବାହାର ଦେଶକୁ ଯିବା ପାଇଁ ୪୦ ହଜାର ଲେଖାଏଁ ମୋଟ ୯ ଲକ୍ଷ ୬୦ ହଜାର ଟଙ୍କା ଦେଇଥିଲେ। କେନ୍ଦ୍ରାପଡା ରାଜନଗର ବ୍ଳକ କୋଇଲିପୁର କାଙ୍କଦିଆ  ଗାଁର ଦେବବ୍ରତ ଜେନାଙ୍କୁ ଟଙ୍କା ଦିଆଯାଇଥିଲା। ୩ ମାସ ବିତିଗଲା ପରେ ମଧ୍ୟ ଚାକିରି ନଦେଇ ଦିନ ଗଡେଇ ଚାଲିଥିଲା ଦେବବ୍ରତ। ଶେଷରେ ଜାଲ ଭିସା ଓ ନିଯୁକ୍ତି ପତ୍ର ଦେଇ ଆଉ କିଛି ଟଙ୍କା ମାଗିଥିଲା ବୋଲି ଅଭିଯୋଗ ହୋଇଛି। ଟଙ୍କା ଦେବୁ କହି ଯୁବକ ମାନେ ତାଙ୍କୁ ଗାଁକୁ ଡାକି ଅଟକ ରଖି ପୋଲିସକୁ ଧରାଇଥିଲେ।