ଲୁଟେରାଙ୍କ ନୂଆ ଚାଲ୍ : ସୁନ୍ଦରି ଝିଅଙ୍କ ଫଟୋ ଦେଖାଇ ଏମିତି କରୁଥିଲେ ଲୁଟ୍

ଭୁବନେଶ୍ୱର: ରାଜଧାନୀରେ ଦେହ ବେପାର ନାଁରେ ଲୁଟ । ଦୁଇ ଜଣଙ୍କୁ ଗିରଫ କଲା ଖଣ୍ଡଗିରି ଥାନା ପୋଲିସ । ସେମାନେ ଆଗରୁ ଦେହ ବେପାରରେ ସଂପୃକ୍ତ ଥିଲେ । ଗିରଫ ଅଭିଯୁକ୍ତ ହେଉଛନ୍ତି ବୁନୁ ଓରଫ ଅନର ସେନାପତି ଓ ମନୋଜ କୁମାର ଗୌଡ଼ । ଅଭିଯୁକ୍ତଙ୍କଠାରୁ କାର, ମୋବାଇଲ ଓ ଟଙ୍କା ଜବତ କରାଯାଇଛି ।

ଗ୍ୟାଙ୍ଗର ଅନ୍ୟ ୩ ଜଣ ସଦସ୍ୟ ଫେରାର ହୋଇଯାଇଛନ୍ତି । ଫୋନରେ ଯୁବତୀଙ୍କ ଫଟୋ ଦେଖାଇ ଅଭିଯୁକ୍ତମାନେ ଜାଲ ପକାଉଥିଲେ । ଗ୍ରାହକ ଆସିବା ପରେ ସେମାନଙ୍କୁ ମରଣାନ୍ତକ ଆକ୍ରମଣ କରି ଲୁଟ କରୁଥିଲେ । ଗତ ୧୩ ତାରିଖରେ ତାଳଚେରର ଜଣେ ବ୍ୟକ୍ତିଙ୍କଠାରୁ ଭରତପୁରରୁ ଲୁଟ ହେବା ନେଇ ଅଭିଯୋଗ ହେବା ପରେ ପୋଲିସ ଆକ୍ସନ ନେଇଛି ।