ଜ୍ୟୋତିଷ ସାଜି ଲୋକଙ୍କୁ ଲଗାଉଥିଲେ ଚୂନ, ଧରା ପଡ଼ିଲା ଗ୍ୟାଙ୍ଗ୍

ନନ୍ଦିଘୋଷ ବ୍ୟୁରୋ: ଉତ୍ତରାଖଣ୍ଡରୁ ଆସି ଝାରସୁଗୁଡ଼ାରେ କରୁଥିଲେ ଅପରାଧ । ଜ୍ୟୋତିଷ ସାଜି ଲୋକଙ୍କୁ ଲଗାଉଥିଲେ ଚୂନ । ଗ୍ୟାଙ୍ଗ ସହାୟତାରେ ନିରୀହ ଲୋକଙ୍କୁ କରୁଥିଲେ ଟାର୍ଗେଟ। ବେଳପାହାଡ଼ ଥାନାରେ ଗତ ୧୧ ତାରିଖ ଦିନ ଏବଂ ଝାରସୁଗୁଡ଼ା ଥାନାରେ ୧୩ ତାରିଖ ଦିନ ସୁନା ଠକେଇ ନେଇ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଥିଲା ।  ଘଟଣାର ତଦନ୍ତ କରି ଉତ୍ତରପ୍ରଦେଶ ମେରଟର ଜୋହର ଅଲ୍ଲୀ, ଆମରୋହାର  ମହମ୍ମଦ ଇସଲାମ, ଉତ୍ତରାଖଣ୍ଡ ଉଦାମ ସିଂହ ନଗରର ଶାହିଦ ଅହମ୍ମଦ ଏବଂ ମହମ୍ମଦ ଇକବାଲଙ୍କୁ ଗିରଫ କରିଛି ଝାରସୁଗୁଡ଼ା ପୋଲିସ୍ । ବେଳପାହାଡ଼ର ରିତାମଞ୍ଜରୀ ସାହୁ ଏବଂ ସରବାହାଲର ନିରୂପମା ନାୟକଙ୍କୁ ଲୁଟିଥିଲେ ଏହି ଠକ । ଗ୍ୟାଙ୍ଗଠାରୁ ପୋଲିସ ଦୁଇଟି ବାଇକ, ସୁନା ଗହଣା ଜବତ କରିଛି । ଝାରସୁଗୁଡ଼ା ଏସପି କାର୍ଯ୍ୟାଳୟରେ ଆଇଜି ଏବଂ ଏସପି ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ସିସିଟିଭି ଆଧାରରେ ସମ୍ବଲପୁରରୁ ଏହି ଗ୍ୟାଙ୍ଗକୁ ଗିରଫ କରାଯାଇଥିବା ପୋଲିସ ସୂଚନା ଦେଇଛି ।