ବନ୍ଧୁକ ଦେଖାଇ ବ୍ୟାଙ୍କରେ ଲୁଟ ଉଦ୍ୟମ, ସାଇରନ ବାଜିବାରୁ ଲୁଟେରା ଫେରାର

ଭୁବନେଶ୍ବର: ସିସିଟିଭିରେ କଏଦ ହେଲା ଲୁଟ୍ ଉଦ୍ୟମର LIVE ଭିଜୁଆଲ । ବାରଙ୍ଗ ଥାନା ଫକୀରପଡ଼ାରେ ICICI ବ୍ୟାଙ୍କରୁ ବନ୍ଧୁକ ମୁନରେ ଲୁଟ ଉଦ୍ୟମ ବିଫଳ ହୋଇଛି । ବନ୍ଧୁକ ଦେଖାଇ ଲୁଟ ଉଦ୍ୟମ ସମୟର ଚିତ୍ର ସିସିଟିଭିରେ କଏଦ ହୋଇଛି। ଆଜି ସକାଳ ୯ଟା ୫୦ରେ ବ୍ୟାଙ୍କ କର୍ମଚାରୀମାନେ କାର୍ଯ୍ୟରେ ଯୋଗଦେବା ବେଳେ ୩ ଜଣ ଅଜଣା ଯୁବକ ହେଲମେଣ୍ଟ ପିନ୍ଧି ବ୍ୟାଙ୍କ ଭିତରେ ପଶିଥିଲେ ।

ବନ୍ଧୁକ ଓ ଛୁରୀ ଦେଖାଇ ବ୍ୟାଙ୍କ କର୍ମଚାରୀଙ୍କୁ ଭୟଭୀତ କରି ଟଙ୍କା କେଉଁଠି ଅଛି ପଚାରିଥିଲେ । ଠିକ ସେହି ସମୟରେ କର୍ମଚାରୀ ବ୍ୟାଙ୍କର ସତର୍କ ଘଣ୍ଟି ବଜାଇଥିଲେ । ସଙ୍ଗେ ସଙ୍ଗେ ୩ ଜଣ ଲୁଟେରା ଭୟଭୀତ ହୋଇ ବ୍ୟାଙ୍କ ଛାଡ଼ି ପଳାଇଯାଇଥିଲେ । ଖବର ପାଇ ବାରଙ୍ଗ ପୋଲିସ ପହଁଚି ସିସିଟିଭି ଯାଞ୍ଚ କରିବା ସହ ତଦନ୍ତ କରୁଛି ।