ପାଣି ପମ୍ପ୍ ଚୋରି କରି ଧରା ପଡ଼ିଲେ, ବିଜୁଳି ଖୁଣ୍ଟରେ ବାନ୍ଧା ହୋଇ ଛେଚା ଖାଇଲେ

ଜଳେଶ୍ୱର: ଚୋରି ଅଭିଯୋଗରେ ଯୁବକଙ୍କୁ ବିଜୁଳି ଖୁଣ୍ଟରେ ବାନ୍ଧି ନିସ୍ତୁକ ମାଡ଼। ଚୋରି କରୁଥିବା ସମୟରେ ଧରା ପଡ଼ିବା ପରେ ମାରିଲେ ଗ୍ରାମବାସୀ। ବାଲେଶ୍ଵର ଜିଲ୍ଲା ବାଲିଆପାଳ ଥାନା ଖଗଡାପାଳ ଗାଁରେ ଘଟିଛି ଏଭଳି ଘଟଣା। ଗତକାଲି ପାହନ୍ତା ୪ଟାରେ ଗାଁର ଜଣେ ଲୋକଙ୍କ ଘରୁ ପାଣି ଉଠା ମଟର ଚୋରୀ କରୁଥିଲେ ସ୍ଥାନୀୟ ଯୁବକ।

ଏହି ସମୟରେ ଘର ଲୋକେ ଚୋରି କରୁଥିବା ଯୁବକକୁ ଧରି ଏକ ବିଜୁଳି ଖୁଣ୍ଟରେ ବାନ୍ଧି ଦେଇଥିଲେ। ଖୁଣ୍ଟରେ ବାନ୍ଧିବା ପରେ ଗାଁ ଲୋକ ନିର୍ଦ୍ଧୁମ ପିଟିଥିଲେ ଚୋରକୁ। ତେବେ ଏହି ପୂର୍ବରୁ ଗାଁରେ କିଛି ଦିନ ହେବା ଚୋରି ବଢ଼ିବାକୁ ଲାଗିଥିଲା। ଏହି ଚୋର ଚୋରି କରୁଥିବା ସନ୍ଦେହରେ ଲୋକେ ଯୁବକଙ୍କୁ ବିଜୁଳି ଖୁଣ୍ଟରେ ବାନ୍ଧି ମାଡ଼ ମାରିଛନ୍ତି। ଏନେଇ ଥାନାରେ କୌଣସି ଅଭିଯୋଗ ହୋଇନି।