ଫାଣ୍ଡି ସାମ୍ନାରେ ଲୁଟ୍, ଲୁଟେରାଙ୍କୁ ଗୋଡାଇ ଗୋଡାଇ କାବୁ କଲେ ଭାଇ ଭଉଣୀ

କଟକ: କଟକ ବାରଙ୍ଗ ଥାନା ଗୋଡିସାହି ଅଞ୍ଚଳରେ ଲୁଟ୍ କରୁଥିବା ଦୁର୍ବୁତ୍ତଙ୍କୁ କାବୁ କଲେ ଯୁବତୀ। ଘଟଣା ଘଟିଛି ଖୋଦ୍ ଗୋଡିସାହି ଫାଣ୍ଡି ସାମ୍ନାରେ। କଟକ ଭଗୀପୁର ଅଞ୍ଚଳର ଜଣେ ଯୁବତୀ ସବିତା ମାଝୀ ତାଙ୍କ ଭାଇ ସହ ବାଇକରେ ବାଙ୍କୀ ରାସ୍ତାରେ ଯାଉଥିବା ବେଳେ ଗୋଡିସାହି ଫାଣ୍ଡି ସାମ୍ନାରେ ଦୁଇଜଣ ଦୁର୍ବୁତ୍ତ ବାଇକରେ ଆସି ତାଙ୍କ ଭ୍ୟାନିଟି ବ୍ୟାଗ ଛଡ଼ାଇ ନରାଜ ରାସ୍ତାରେ ଫେରାର ହୋଇଯାଇଥିଲେ।

ହେଲେ ଭାଇ ଭଉଣୀ ତାଙ୍କର ପିଛା କରିଥିବା ବେଳେ ବାଇକଟିରେ ଭାରସାମ୍ୟ ହରାଇ ଧକ୍କା ହେବା ପରେ ଦୁର୍ବୁତ୍ତମାନେ ତଳେ ପଡିଯାଇଥିଲେ। ହେଲେ ଜଣେ ଦୁର୍ବୁତ୍ତ ଆହତ ହୋଇ ଯାଇନପାରିବାରୁ ତାଙ୍କୁ କାବୁ କରି ପୋଲିସକୁ ଖବର ଦେଇଥିଲେ ଭାଇଭଉଣୀ। ସୂଚନା ଅନୁସାରେ ଗୋଡିସାହି ଫାଣ୍ଡି ଅଞ୍ଚଳରେ ଗତ ୧୦ ଦିନ ଭିତରେ ଲଗାତାର ୪ ଥର ଲୁଟ୍ ଘଟଣା ଘଟିଯାଇଥିଲେ ମଧ୍ୟ ପୋଲିସର ନିଷ୍କ୍ରିୟତା ଯୋଗୁଁ ଆଜି ପୁଣି ଏଭଳି ଘଟଣା ସାମ୍ନାକୁ ଆସିଛି । ଯାହା ପୁଣି ଫାଣ୍ଡି ସାମ୍ନାରେ।