ଭୁବନେଶ୍ୱର: ବୋନ୍ କ୍ୟାନସର ରୋଗୀଙ୍କୁ ବି ଛାଡ଼ିଲେନି ଲୁଟେରା। ଭୁବନେଶ୍ୱରରେ ମୋ ବସରେ ମେଡିକାଲ ଯାଉଥିବା ସମୟରେ ବୋନ୍ କ୍ୟାନସର ରୋଗୀଙ୍କଠାରୁ ଲୁଟ୍ ହୋଇଛି। ଗଞ୍ଜାମ ଜିଲ୍ଲା ପୁରୁଷୋତ୍ତମପୁରର ଆନନ୍ଦ ଗୌଡ଼ ଲୁଟର ଶିକାର ହୋଇଛନ୍ତି। ଚିକିତ୍ସା ପାଇଁ ଆନନ୍ଦ ଆଣିଥିବା ୧୫ ହଜାର ଟଙ୍କା ଲୁଟ ହୋଇଛି। ମୋ ବସରେ ଯାତ୍ରୀ ବେଶରେ ଆସି ଲୁଟ କରିଥିବା ଅଭିଯୋଗ ହୋଇଛି। ବାଣୀବିହାର ଛକରେ ଲୁଟ ସମ୍ପର୍କରେ ଜାଣିପାରିଥିଲେ ଆନନ୍ଦ ଗୌଡ଼ । କାନ୍ଦି କାନ୍ଦି ସେ ସହିଦନଗର ଥାନାରେ ପହଞ୍ଚିଲେ । କଟକ ଅଭିମୁଖେ ଯାଉଥିବା ୧୯ ନମ୍ବର ବସକୁ ଅଟକାଇ ତଦନ୍ତ ଚଳାଇଛି ପୋଲିସ ।
